Purushaha Movie: కొత్త నటుడు పవన్ కళ్యాణ్, ప్రముఖ కమెడియన్లు సప్తగిరి, కసిరెడ్డి రాజ్ కుమార్ ప్రధాన పాత్రధారులుగా, వీరు వులవల దర్శకత్వంలో తెరకెక్కిన సరికొత్త వినోదాత్మక చిత్రం 'పురుషః'.

కళ్యాణ్ ప్రొడక్షన్స్ బ్యానర్‌పై బత్తుల కోటేశ్వరరావు ఈ చిత్రాన్ని నిర్మించారు. నిత్య జీవితంలో పెళ్లైన మగవారు ఎదుర్కొనే సరదా సమస్యలు, భార్యాభర్తల మధ్య వచ్చే అపార్థాలను పూర్తిగా కామెడీ కోణంలో చూపిస్తూ ఒక మంచి టైమ్‌పాస్ మూవీగా దర్శకుడు ఈ చిత్రాన్ని రూపొందించారు.

Read Also : Ramani Kalyanam Movie: ఎమోషనల్ లవ్ స్టోరీ 'రమణి కళ్యాణం' మూవీ రివ్యూ

Purushaha Movie Review

కథ

ఈ సినిమా కథ ముగ్గురు చిన్ననాటి స్నేహితుల చుట్టూ తిరుగుతుంది. గోవింద్ (పవన్ కళ్యాణ్), సత్తిబాబు, శ్రీను ప్రాణ స్నేహితులు. వీరి భార్యలైన కమల, లక్ష్మి, గీత.. తమ భర్తలతో వచ్చిన తీవ్ర విభేదాల కారణంగా విడాకులు తీసుకోవాలని నిర్ణయించుకుని కోర్టును ఆశ్రయిస్తారు. అయితే వీరు సరిగ్గా కోర్టుకు హాజరు కాకపోవడంతో కేసు నిరంతరం వాయిదా పడుతూ ఉంటుంది. ఈ క్రమంలో జడ్జి ముందు వీరి ముగ్గురి వ్యక్తిగత జీవితాల్లో జరిగిన ఆసక్తికర సంఘటనలు ఒక్కొక్కటిగా బయటపడతాయి.

ఈ ముగ్గురు స్నేహితులు తమ మరో బాల్య మిత్రుడు ‘కిస్సు’ పెళ్లికి వెళ్లినప్పుడు, అక్కడ అతని డైరీ దొరుకుతుంది. ఆ డైరీ ద్వారా వీరి పాత ప్రేమకథలు, చిలిపి జ్ఞాపకాలు భార్యలకు తెలుస్తాయి. అదే సమయంలో ‘దేవిక’ అనే అమ్మాయితో వీరు ముగ్గురూ సమయం గడిపారనే అనుమానం భార్యలలో మరింత మంట పెడుతుంది. వీటికి తోడు గోవింద్ జీవితంలోని ‘రోజీ’ అనే అమ్మాయి గురించి తెలిసిన తర్వాత అతని భార్య కమల భర్తపై పూర్తిగా నమ్మకం కోల్పోతుంది. చివరికి ఈ జంటలన్నీ తమ అపార్థాలను వీడి మళ్లీ కలుసుకున్నాయా? లేక విడాకులు తీసుకున్నాయా? అనేదే ఈ సినిమా ముగింపు.

నటీనటుల ప్రదర్శన

నటీనటుల విషయానికి వస్తే.. కొత్త హీరో అయినప్పటికీ పవన్ కళ్యాణ్ తన పాత్రలో చాలా ఈజ్‌తో నటించాడు. ముఖ్యంగా డ్యాన్స్ ఎపిసోడ్స్, ఎమోషనల్ సీన్స్‌లో మంచి ప్రతిభ కనబరిచాడు. కసిరెడ్డి రాజ్ కుమార్, వెన్నెల కిషోర్ తమదైన శైలిలో అద్భుతమైన కామెడీ టైమింగ్‌తో నవ్వులు పూయించారు. సప్తగిరి, విటివి గణేష్, పమ్మి సాయి కూడా డిఫరెంట్ మేనరిజమ్స్‌తో ఆకట్టుకున్నారు. నటి రాయంచ తన పాత్రలో క్యూట్‌గా కనిపించడమే కాకుండా, ఎమోషనల్ సీన్స్‌లో మెప్పించింది. బ్రెజిల్ నటి గ్యాబి రాక్ ఈ సినిమాలో ప్రత్యేక ఆకర్షణగా నిలిచింది.