AP heavy rains alert: వాయువ్య బంగాళాఖాతంలో ఏర్పడిన అల్పపీడన ప్రభావంతో ఆంధ్రప్రదేశ్లో వాతావరణం వేగంగా మారిపోతోంది. దీని కారణంగా రానున్న మూడు రోజుల పాటు ఉత్తరాంధ్ర వ్యాప్తంగా పలుచోట్ల భారీ నుంచి అతి భారీ వర్షాలు కురిసే అవకాశం ఉందని వాతావరణ శాఖ అధికారులు వెల్లడించారు.
ఈ అల్పపీడన ప్రభావంతో కోస్తాంధ్ర తీర ప్రాంతాల్లో వాతావరణం పూర్తిగా చల్లబడింది. భారీ వర్షాలతో పాటు రాష్ట్రంలో ఉరుములు, మెరుపులతో కూడిన పిడుగులు పడే ప్రమాదం ఉందని వాతావరణ కేంద్రం హెచ్చరించింది. ప్రజలు అప్రమత్తంగా ఉండాలని, ముఖ్యంగా వర్షం పడే సమయంలో చెట్ల కింద, విద్యుత్ స్తంభాల వద్ద నిలబడకూడదని సూచించారు.
Read Also: YouTuber K.V. Reddy : K.V. రెడ్డి అరెస్ట్ కేసులో కీలక మలుపు
Heavy rains in several places across North Andhra over the next three days.
AP heavy rains alert: ఈదురుగాలులు కారణంగా మత్స్యకారులకు వేట నిషేధం
అల్పపీడన తీవ్రత కారణంగా ఆంధ్రప్రదేశ్ తీరం వెంబడి గంటకు 40 నుంచి 50 కిలోమీటర్ల వేగంతో బలమైన ఈదురుగాలులు వీచే అవకాశం ఉంది. సముద్రం విపరీతంగా అల్లకల్లోలంగా మారే ప్రమాదం ఉన్నందున, మత్స్యకారులు ఎవరూ కూడా సముద్రంలో వేటకు వెళ్లవద్దని అధికారులు గట్టి హెచ్చరికలు జారీ చేశారు. తీర ప్రాంత ప్రజలు తగిన జాగ్రత్తలు తీసుకోవాలని స్పష్టం చేశారు. ఈ అల్పపీడన ప్రభావం ముఖ్యంగా కొన్ని జిల్లాలపై తీవ్రంగా ఉండనుంది. రేపు (శనివారం) శ్రీకాకుళం, పోలవరం, కోనసీమ, పశ్చిమ గోదావరి, ఏలూరు జిల్లాల్లో వర్షాల తీవ్రత అత్యధికంగా ఉండే అవకాశం ఉందని వాతావరణ శాఖ పేర్కొంది. ఆయా జిల్లాల యంత్రాంగం కూడా ముందస్తు జాగ్రత్త చర్యలు చేపట్టింది.
Read hindi news : hindi.vaartha.com
Epaper : epaper.vaartha.com