Telangana Anganwadi Recruitment 2026: తెలంగాణ రాష్ట్రంలో ఉద్యోగార్థులకు ప్రభుత్వం శుభవార్త అందించింది. రాష్ట్రవ్యాప్తంగా అంగన్వాడీ కేంద్రాల్లో ఖాళీగా ఉన్న 15,982 పోస్టులను సెప్టెంబర్ నెలాఖరు నాటికి భర్తీ చేయాలని అధికారులను ఆదేశించింది.
చిన్నారులు, గర్భిణులు, బాలింతలకు అందించే సేవల్లో ఎటువంటి అంతరాయం కలగకుండా ఉండాలనే లక్ష్యంతో ఈ ప్రక్రియను జిల్లా స్థాయిలో వేగవంతం చేయనున్నారు.
Read Also : Ponnam Prabhakar : మంత్రి పొన్నం ప్రభాకర్కు SIR నోటీసులు.. తండ్రి పేరు సవరణకు పత్రాలు
Telangana Anganwadi Recruitment 2026: ఉద్యోగాల వివరాలు, జోన్లవారీ ఖాళీలు
మొత్తం భర్తీ చేయనున్న 15,982 పోస్టులలో 3,100 అంగన్వాడీ టీచర్ పోస్టులు, 12,882 అంగన్వాడీ హెల్పర్ పోస్టులు ఉన్నాయి. రాష్ట్రంలోని రెండు జోన్ల పరిధిలో ఈ నియామకాలు జరగనున్నాయి.
- జోన్-1: మొత్తం 9,590 ఖాళీలు ఉన్నాయి. ఇందులో 1,853 టీచర్ పోస్టులు, 7,737 హెల్పర్ పోస్టులు ఉన్నాయి.
- జోన్-2: మొత్తం 6,392 ఖాళీలు ఉన్నాయి. ఇందులో 1,247 టీచర్ పోస్టులు, 5,145 హెల్పర్ పోస్టులు ఉన్నాయి.
విద్యా అర్హత, ఎంపిక విధానం
ఈ ఉద్యోగాలకు ఇంటర్మీడియట్ ఉత్తీర్ణత సాధించిన అభ్యర్థులు అర్హులు. ఎంపిక ప్రక్రియ పూర్తిగా పారదర్శకంగా, ఇంటర్మీడియట్లో సాధించిన మార్కులు, ఇంటర్వ్యూ ఆధారంగా కొనసాగుతుంది.
- ఇంటర్మీడియట్ మార్కుల వెయిటేజీ: 70 శాతం
- ఇంటర్వ్యూ వెయిటేజీ: 10 శాతం
ప్రత్యేక కేటగిరీల అభ్యర్థులకు వెయిటేజీ
సామాజిక భద్రత, సమాన అవకాశాలు కల్పించే దిశగా ప్రత్యేక కేటగిరీల అభ్యర్థులకు ప్రభుత్వం వెయిటేజీని ఖరారు చేసింది.
- అనాథలకు: 10 శాతం వెయిటేజీ
- వితంతువులకు: 5 శాతం వెయిటేజీ
- దివ్యాంగులకు: 5 శాతం వెయిటేజీ
జిల్లా స్థాయిలోనే ఈ నియామక ప్రక్రియ ముగియనుండగా, ఇప్పటికే కొన్ని జిల్లాల్లో నోటిఫికేషన్లు విడుదలయ్యాయి. మిగిలిన జిల్లాల్లో కూడా త్వరలోనే నియామక ప్రక్రియను ప్రారంభించనున్నారు.