మచిలీపట్నంలో నమోదైన ఒక కేసులో శుక్రవారం రాత్రి ఆయనకు స్థానిక న్యాయస్థానం బెయిల్ మంజూరు చేయడంతో ఊరట లభించినట్లు అనిపించింది. అయితే, ఆ సంతోషం ఎంతోసేపు నిలవలేదు. జైలు నుండి విడుదలైన వెంటనే, అనకాపల్లి జిల్లా పాయకరావుపేట పోలీసులు ఆయనను సరికొత్త కేసులో రీ-అరెస్ట్ (Re-arrest) చేసి తమ కస్టడీలోకి తీసుకున్నారు. ఒక కేసులో ఉపశమనం లభించిన వెంటనే మరో పోలీస్ స్టేషన్ పరిధిలో అరెస్ట్ కావడం ఇప్పుడు రాష్ట్రవ్యాప్తంగా తీవ్ర చర్చనీయాంశమైంది.

లాయర్ జడ శ్రవణ్ అసహనం - పోలీసుల వ్యూహం

రావణ్‌ను వరుస కేసుల్లో వరుసగా అరెస్ట్ చేస్తుండటంపై ఆయన తరఫు న్యాయవాది, ప్రముఖ లీగల్ యాక్టివిస్ట్ జడ శ్రవణ్ కుమార్ తీవ్ర అసహనం వ్యక్తం చేశారు. ఒకే తరహా ఆరోపణలపై వేర్వేరు ప్రాంతాల్లో కేసులు నమోదు చేస్తూ, ఒక చోట బెయిల్ రాగానే మరోచోట అరెస్ట్ చూపించడం చట్టాన్ని తప్పుదోవ పట్టించడమేనని ఆయన మండిపడ్డారు. “రావణ్‌ను ఇంకెన్ని సార్లు అరెస్ట్ చేస్తారు?” అంటూ ఆయన పోలీసుల తీరుపై తీవ్ర ఆగ్రహం వ్యక్తం చేశారు. డిప్యూటీ సీఎంపై సోషల్ మీడియా వేదికగా చేసిన వ్యాఖ్యలపై రాష్ట్రవ్యాప్తంగా వివిధ పోలీస్ స్టేషన్లలో ఫిర్యాదులు వెల్లువెత్తడంతో, పోలీసులు ఆయా చట్టపరమైన సెక్షన్ల పరిధిలోనే ఈ చర్యలు తీసుకుంటున్నట్లు తెలుస్తోంది.

నీతి ఆయోగ్ ర్యాంకింగ్స్‌లో పార్వతీపురం మన్యం చరిత్ర.. దేశంలో నంబర్-1