ఈ పరీక్షకు హాజరైన అభ్యర్థులు తమ తమ ప్రాంతీయ (Regional) ఆర్‌ఆర్‌బీ అధికారిక వెబ్‌సైట్లలో ఫలితాలను తనిఖీ చేసుకోవచ్చు. ఫలితాలతో పాటు కేటగిరీల వారీగా కటాఫ్ మార్కులు (Cut-off Marks), తదుపరి దశకు ఎంపికైన అభ్యర్థుల మెరిట్ జాబితాను కూడా బోర్డు అందుబాటులో ఉంచింది.

Read Also: Telangana bandh July 10: జులై 10న రాష్ట్రవ్యాప్తంగా విద్యాసంస్థలు బంద్

తదుపరి ఎంపిక ప్రక్రియ ఎలా ఉంటుంది?

కంప్యూటర్ ఆధారిత పరీక్ష (CBT)లో అర్హత సాధించిన అభ్యర్థుల పేర్లను మెరిట్ లిస్ట్‌లో చేర్చారు. అయితే, సీబీటీ పాస్ అయినంత మాత్రాన ఉద్యోగం ఖాయమైనట్లు కాదని రైల్వే బోర్డు స్పష్టం చేసింది. తుది ఎంపిక కోసం అభ్యర్థులు ఈ క్రింది మూడు దశలను విజయవంతంగా పూర్తి చేయాల్సి ఉంటుంది:

1. ఫిజికల్ ఎఫిషియెన్సీ టెస్ట్ (PET): సీబీటీలో షార్ట్‌లిస్ట్ అయిన అభ్యర్థులకు మొదట శారీరక దారుఢ్య పరీక్షలు నిర్వహిస్తారు.
2. డాక్యుమెంట్ వెరిఫికేషన్ (DV): పీఈటీలో అర్హత సాధించిన వారికి విద్యార్హత, కుల ధ్రువీకరణ, గుర్తింపు కార్డుల పరిశీలన ఉంటుంది.
3. మెడికల్ ఎగ్జామినేషన్: చివరగా రైల్వే నిబంధనల ప్రకారం నిర్దేశిత వైద్య పరీక్షలు నిర్వహించి, ఫిట్‌నెస్ ఆధారంగా పర్మినెంట్ నియామకాలు జరుపుతారు.

అర్హత మార్కులు & ఫైనల్ కటాఫ్..

పరీక్షలో పాస్ కావడానికి రైల్వే బోర్డు ప్రాథమికంగా నిర్ణయించిన కనీస అర్హత మార్కుల (Qualifying Marks) వివరాలు ఇలా ఉన్నాయి:

• జనరల్ & EWS కేటగిరీలు: కనీసం 40 శాతం మార్కులు సాధించాలి.
• OBC, SC, ST కేటగిరీలు: కనీసం 30 శాతం మార్కులు సాధించాలి.

అయితే, మొత్తం ఖాళీల సంఖ్య, పరీక్ష రాసిన అభ్యర్థుల ప్రతిభ (మెరిట్) ఆధారంగా కేటగిరీల వారీగా తుది కటాఫ్ మార్కులను బోర్డు ఖరారు చేసింది. అభ్యర్థులు తమ కేటగిరీకి వర్తించే కటాఫ్ వివరాలను వెబ్‌సైట్‌లో సరిచూసుకోవచ్చు.

RRB Group D Result 2026:ఫలితాలను తనిఖీ చేసుకునే విధానం (Steps to Check)

1.అధికారిక వెబ్‌సైట్ ఓపెన్ చేయండి

అభ్యర్థులు మొదట తాము దరఖాస్తు చేసుకున్న సంబంధిత ప్రాంతీయ ఆర్‌ఆర్‌బీ అధికారిక వెబ్‌సైట్ (ఉదాహరణకు సికింద్రాబాద్ అభ్యర్థులు rrbsecunderabad.gov.in) సందర్శించాలి.

2.'Result' సెక్షన్‌పై క్లిక్ చేయండి

వెబ్‌సైట్ హోమ్‌పేజీలో కనిపించే 'Result' లేదా 'Recruitment' ట్యాబ్‌ను క్లిక్ చేయాలి.

3.గ్రూప్-డి లింక్‌ను ఎంచుకోండి

అక్కడ అందుబాటులో ఉన్న ' rrb.digialm.com అనే అధికారిక లింక్‌పై క్లిక్ చేయాలి.

4.PDF / స్కోర్‌కార్డ్ డౌన్‌లోడ్ చేసుకోండి

స్క్రీన్‌పై ఓపెన్ అయిన ఫలితాల PDF లో మీ రోల్ నంబర్ ఉందో లేదో 'Search' చేసి చూసుకోండి. స్కోర్‌కార్డ్ విండో ఉంటే మీ లాగిన్ వివరాలతో డౌన్‌లోడ్ చేసుకోండి. Future Reference కోసం ఒక ప్రింటవుట్ తీసుకొని భద్రపరుచుకోండి.

ముఖ్య గమనిక: సీబీటీ స్టేజ్ క్లియర్ చేసిన అభ్యర్థులంతా ఆలస్యం చేయకుండా ఇప్పుడే 'ఫిజికల్ ఎఫిషియెన్సీ టెస్ట్ (PET)' కోసం ప్రాక్టీస్ ప్రారంభించాలని, అలాగే డాక్యుమెంట్ వెరిఫికేషన్‌కు అవసరమైన అన్ని ఒరిజినల్ సర్టిఫికెట్లను సిద్ధం చేసుకోవాలని నిపుణులు సూచిస్తున్నారు.

Epaper: epaper.vaartha.com

గుడ్ న్యూస్.. డీమ్డ్ వర్సిటీల్లో చేరే ఎస్సీ, ఎస్టీ విద్యార్థులకు ఇక ఫీజు రిటర్న్!