ఇది రాబోయే 12 గంటల్లో మరింతగా బలపడి తీవ్ర అల్పపీడనంగా మారే అవకాశాలు మెండుగా ఉన్నాయని పేర్కొంది. ఈ అల్పపీడన ప్రభావంతో బలహీనపడిన నైరుతి రుతుపవనాలు మళ్లీ పుంజుకుని, దేశవ్యాప్తంగా వర్షపాతాన్ని పెంచేందుకు అనుకూలమైన వాతావరణాన్ని సృష్టిస్తున్నాయి. ఇప్పటికే కోస్తాంధ్ర వ్యాప్తంగా ఆకాశం పూర్తిగా మేఘావృతమై, చల్లని గాలులతో వర్ష సూచనను స్పష్టం చేస్తోంది.

రాబోయే 24 గంటల్లో ఒడిశా, కోస్తాంధ్రలో భారీ వర్షాలు..

ఈ అల్పపీడనానికి తోడు వాతావరణంలో ఏర్పడిన ఉపరితల ఆవర్తనం, ద్రోణి ప్రభావం వల్ల రాబోయే 24 గంటల్లో ఒడిశాతో పాటు ఆంధ్రప్రదేశ్‌లోని కోస్తా ప్రాంతాల్లో పలుచోట్ల మోస్తరు నుంచి భారీ వర్షాలు కురిసే అవకాశం ఉందని వాతావరణ నిపుణులు అంచనా వేస్తున్నారు. ముఖ్యంగా సముద్ర తీర ప్రాంతాల్లో గంటకు 40 నుండి 50 కిలోమీటర్ల వేగంతో బలమైన ఈదురు గాలులు వీచే ప్రమాదం ఉందని, మత్స్యకారులు వేటకు వెళ్లరాదని హెచ్చరికలు జారీ చేశారు. ఈ వర్షాలు ప్రస్తుతం సాగు దశలో ఉన్న పంటలకు ఎంతో మేలు చేకూరుస్తాయని, నిండిపోతున్న జలాశయాలకు ఇవి మరింత ఊతాన్ని ఇస్తాయని రైతులు హర్షం వ్యక్తం చేస్తున్నారు.

పంట మార్చితేనే రైతన్న భవిష్యత్తు