విడుదలైన రెండో వారాంతంలో ఈ సినిమా కలెక్షన్స్ మరింత పుంజుకున్నాయి. కేవలం పదో రోజు భారత్ వ్యాప్తంగా రూ. 15 కోట్ల నెట్ కలెక్షన్లు సాధించి ట్రేడ్ వర్గాలను ఆశ్చర్యపరిచింది. అంతకుముందు రోజుతో పోలిస్తే ఇది సుమారు 22 శాతం వృద్ధిని నమోదు చేయడం విశేషం.

ప్రపంచవ్యాప్తంగా అమాంతం పెరిగిన వసూళ్లు

పదో రోజు నాటికి దేశీయ మార్కెట్లో ‘ఇరుముడి’ మొత్తం నెట్ కలెక్షన్లు రూ. 129.55 కోట్లకు చేరగా, దేశీయ గ్రాస్ వసూళ్లు రూ. 150.45 కోట్లుగా నమోదయ్యాయి. ఇక ఓవర్సీస్ విషయానికి వస్తే, పదో రోజు విదేశాల్లో రూ. 1 కోటి గ్రాస్ రావడంతో కలిపి మొత్తం ఓవర్సీస్ కలెక్షన్లు రూ. 20.50 కోట్లకు చేరాయి. మొత్తంగా ప్రపంచవ్యాప్తంగా ఈ సినిమా సాధించిన గ్రాస్ వసూళ్లు రూ. 170.95 కోట్లకు చేరుకున్నాయి.

Irumudi Movie: తెలుగు రాష్ట్రాల్లోనే భారీ ఆధిక్యత

ఈ సినిమా విజయానికి ఆంధ్రప్రదేశ్, తెలంగాణ రాష్ట్రాలు ప్రధాన బలంగా నిలిచాయి. పదో రోజు ఒక్క తెలుగు రాష్ట్రాల నుంచే రూ. 15.50 కోట్ల గ్రాస్ వసూలయింది. ఇక ఇతర ప్రాంతాల విషయానికి వస్తే కర్ణాటకలో రూ. 1.40 కోట్లు, తమిళనాడులో రూ. 20 లక్షలు, కేరళలో రూ. 1 లక్ష, ఇతర ప్రాంతాల్లో రూ. 34 లక్షల మేర వసూళ్లు రాబట్టింది. తొలి వారం భారత్‌లో రూ. 92.15 కోట్ల నెట్ రాబట్టిన ఈ చిత్రం, రెండో వారంలోనూ తన జోరును నిలబెట్టుకుంది.

భావోద్వేగాలతో కూడిన కథాంశం

మద్యానికి బానిసైన ఓ సాధారణ తండ్రి జీవితంలో జరిగే అనూహ్య పరిణామాల నేపథ్యంలో ఈ సినిమా తెరకెక్కింది. తన కుమార్తె కోరికను నెరవేర్చడానికి అయ్యప్ప దీక్ష తీసుకునేందుకు సిద్ధపడే తండ్రి పాత్రలో రవితేజ నటన ప్రేక్షకులను కంటతడి పెట్టిస్తోంది. దర్శకుడు శివ నిర్వాణ తెరకెక్కించిన ఈ చిత్రంలో ప్రియా భవానీ శంకర్, సాయికుమార్, అజయ్ ఘోష్, స్వాసిక విజయ్ తదితరులు కీలక పాత్రలు పోషించారు. తెలుగు, తమిళ భాషల్లో ఆగస్టు 21న విడుదలైన ఈ చిత్రం అన్ని వర్గాల ప్రేక్షకులను విశేషంగా ఆకట్టుకుంటోంది.

నాలుగేళ్ల తర్వాత తాప్సీ రీఎంట్రీ!