Ram Charan Peddi Movie: మెగా పవర్‌స్టార్ రామ్ చరణ్ హీరోగా, 'ఉప్పెన' ఫేమ్ బుచ్చిబాబు సానా దర్శకత్వంలో రూపొందుతున్న అత్యంత ప్రతిష్టాత్మక చిత్రం 'పెద్ది' (Peddi) . ఈ సినిమాకు సంబంధించిన ప్రమోషన్ల హంగామా రేపటి నుంచే ప్రారంభం కానుండటంతో మెగా అభిమానుల్లో ఉత్సాహం నెలకొంది.

Read Also : కల్కి-2లో సాయి పల్లవి?

ప్రమోషన్ల బాధ్యత చేపట్టిన అవినాష్ కొల్లా

ఈ చిత్ర ప్రమోషన్ల ప్రస్థానాన్ని రేపు ఆర్ట్ డైరెక్టర్ అవినాష్ కొల్లా ప్రారంభించనున్నారు. ఆయన రేపు మీడియాకు ప్రత్యేక ఇంటర్వ్యూలు ఇవ్వనున్నారు. ఈ సందర్భంగా సినిమా కోసం నిర్మించిన భారీ సెట్టింగులు, విజువల్ గ్రాండియర్ మరియు బుచ్చిబాబు విజన్ గురించి ఆసక్తికర విషయాలను పంచుకోనున్నట్లు తెలుస్తోంది. సినిమా నిర్మాణ విలువలు ఏ స్థాయిలో ఉన్నాయో అవినాష్ కొల్లా మాటల ద్వారా అభిమానులకు ఒక స్పష్టత వచ్చే అవకాశం ఉంది.

Ram Charan Peddi Movie: జూన్ 4కి విడుదల వాయిదా

వాస్తవానికి ఈ చిత్రం ముందుగానే ప్రేక్షకుల ముందుకు రావాల్సి ఉన్నప్పటికీ, షూటింగ్ పనుల్లో జరిగిన జాప్యం కారణంగా విడుదల తేదీని మార్చినట్లు సమాచారం. తాజా అప్‌డేట్ ప్రకారం, ‘పెద్ది’ చిత్రం జూన్ 4వ తేదీన ప్రపంచవ్యాప్తంగా థియేటర్లలో సందడి చేయనుంది. విజువల్ ఎఫెక్ట్స్ మరియు పోస్ట్ ప్రొడక్షన్ పనుల్లో రాజీ పడకూడదనే ఉద్దేశంతోనే ఈ నిర్ణయం తీసుకున్నట్లు చిత్ర యూనిట్ భావిస్తోంది.

రామ్ చరణ్, జాన్వీ కపూర్ ఎంట్రీ

ఈ సినిమాలో గ్లోబల్ స్టార్ రామ్ చరణ్ సరసన అతిలోక సుందరి కూతురు జాన్వీ కపూర్ నటిస్తోంది. వీరిద్దరి కాంబినేషన్ చూడాలని సినీ ప్రియులు ఆసక్తిగా ఎదురుచూస్తున్నారు. ప్రస్తుతం సినిమా ఫైనల్ కాపీ సిద్ధం చేసే పనిలో మేకర్స్ నిమగ్నమై ఉన్నారు. ఫైనల్ అవుట్ పుట్ వచ్చిన వెంటనే హీరో రామ్ చరణ్, హీరోయిన్ జాన్వీ కపూర్ స్వయంగా రంగంలోకి దిగి భారీ స్థాయిలో ప్రమోషన్స్ నిర్వహించే అవకాశం ఉంది.