కొద్దిసేపే కనిపించినా ఆ పాత్రకు వచ్చిన స్పందనతో ప్రత్యేకంగా రోలెక్స్ పేరుతో ఓ సినిమా వస్తుందని అప్పటినుంచి ప్రచారం జరుగుతోంది.

విక్రం విజయంతో పాన్ ఇండియా స్థాయిలో :

విక్రం విజయంతో పాన్ ఇండియా స్థాయిలో దర్శకుడిగా తనకంటూ ప్రత్యేక గుర్తింపు తెచ్చుకున్న లోకేష్ కనగరాజ్ ప్రస్తుతం వరుస ప్రాజెక్టులతో బిజీగా ఉన్నారు. కమల్ హాసన్‌తో బ్లాక్‌బస్టర్ అందుకున్న ఆయన, ఆ తర్వాత సూపర్‌స్టార్ రజనీకాంత్‌తో తెరకెక్కించిన కూలీ చిత్రం మాత్రం ఆశించిన స్థాయిలో ఫలితాన్ని అందుకోలేదని సినీ వర్గాల్లో చర్చ సాగుతోంది. ప్రస్తుతం ఐకాన్ స్టార్ అల్లు అర్జున్‌తో భారీ ప్రాజెక్ట్‌పై లోకేష్ దృష్టి సారించినట్లు సమాచారం.

ఈ నేపథ్యంలో మరోసారి కమల్ హాసన్‌తో సినిమా చేయనున్నారనే వార్తలు వినిపిస్తున్నాయి. అయితే అభిమానుల దృష్టి మాత్రం ఇంకా రోలెక్స్ మూవీపైనే ఉంది. సూర్యతో ప్రత్యేకంగా ఆ సినిమా ఎప్పుడు ప్రారంభమవుతుందనే ప్రశ్న ఎప్పటికప్పుడు ఎదురవుతోంది.

ఇటీవల ఈ విషయంపై స్పందించిన లోకేష్ కనగరాజ్ ఆసక్తికర వ్యాఖ్యలు చేశారు. రోలెక్స్ సినిమా గురించి అడిగిన ప్రశ్నకు ఆయన నేరుగా సమాధానం ఇవ్వకుండా, కాలమే సమాధానం చెబుతుంది అంటూ సస్పెన్స్ కొనసాగించారు. దీంతో రోలెక్స్ ప్రాజెక్ట్ పూర్తిగా ఆగిపోయిందా, లేక సరైన సమయం కోసం వేచి చూస్తున్నారా అనే సందేహాలు మరింత పెరిగాయి.

ప్రస్తుతం లోకేష్ చేతిలో ఉన్న ప్రాజెక్టులు పూర్తైన తర్వాతే రోలెక్స్ సినిమాపై స్పష్టత వచ్చే అవకాశం ఉందని సినీ విశ్లేషకులు భావిస్తున్నారు. మరోవైపు, సూర్య అభిమానులు మాత్రం లోకేష్ సినిమాటిక్ యూనివర్స్‌లో రోలెక్స్ పాత్రను పూర్తి స్థాయి చిత్రంగా చూడాలని ఎంతో ఆసక్తిగా ఎదురుచూస్తున్నారు. లోకేష్ చేసిన తాజా వ్యాఖ్యలతో ఆ ఆసక్తి మరింత పెరిగింది.

జనన మరణాల నమోదుకు కొత్త నిబంధనలు.. పార్లమెంట్‌లో బిల్లుకు ఆమోదం