ఈ ఆర్థిక సహాయం దళారులు చేతుల్లోకి వెళ్లకుండా అధికారులు కట్టుదిట్టమైన నిబంధనలు అమలు చేస్తున్నారు. బోనస్ పొందాలని ఆశించే ప్రతి అన్నదాత ముందస్తుగా తమ పంట వివరాలను ప్రభుత్వ పోర్టల్ లో నమోదు చేసుకోవాలి. విత్తనాలు కొనుగోలు చేసే సమయం నుంచే ఈ ప్రక్రియ మొదలవుతుంది. పట్టాదారు పాసుపుస్తకం, ఏ రకమైన విత్తనాలు వాడుతున్నారనే సమాచారం, సర్వే నంబర్ వంటి అన్ని వివరాలను డీలర్లు రికార్డు చేస్తారు. ఈ నిబంధనల కారణంగా అనర్హులు ఎవరూ లబ్ధి పొందకుండా చూడటం ప్రభుత్వ ప్రధాన ఉద్దేశం.

Read also: Voter List: తెలంగాణలో 92.87 లక్షల మంది ఓటర్లకు నోటీసులు

Registration process for the fine-grain paddy bonus

డిజిటల్ క్రాప్ సర్వే ద్వారా పంటల నమోదు

వ్యవసాయ శాఖ ఆధ్వర్యంలో డిజిటల్ క్రాప్ సర్వే అత్యంత పకడ్బందీగా కొనసాగుతోంది. గ్రామస్థాయిలో వాలంటీర్లు నేరుగా పొలాల వద్దకు వెళ్లి సన్న లేదా దొడ్డు రకాల సాగు విస్తీర్ణాన్ని నమోదు చేస్తున్నారు. యాప్ సరిగ్గా పనిచేసే సాంకేతిక ఏర్పాట్లతో ఈ సర్వే వేగంగా జరుగుతోంది. ఒకవేళ స్థానిక డీలర్ల వద్ద కాకుండా బయట ప్రాంతాల నుంచి విత్తనాలు తెచ్చుకున్న రైతులు ఆ వివరాలను అధికారులకు తెలపాలి. నారు మార్పిడి చేసుకునే వారు కూడా ఏ రకానికి చెందిన పంట సాగు చేస్తున్నారో స్పష్టమైన ప్రకటన ఇవ్వాలి. ఇలా సేకరించిన సమగ్ర సమాచారాన్ని సివిల్ సప్లైస్ శాఖ అధికారులు పరిశీలిస్తారు.

Sanna Biyanala Bonus:ఏడు సన్న రకాలకే రూ. 500 బోనస్ వర్తింపు

ప్రభుత్వం గుర్తించిన ఏడు రకాల సన్న ధాన్యానికి మాత్రమే ఈ ఆర్థిక ప్రయోజనం నేరుగా అందుతుంది. కొనుగోలు కేంద్రాలకు పంటను తీసుకువచ్చినప్పుడు అధికారులు అన్ని రకాల వివరాలను క్షుణ్ణంగా పరిశీలిస్తారు. విత్తన కొనుగోలు రసీదులు, డిజిటల్ సర్వే రిపోర్ట్, సెల్ఫ్ డిక్లరేషన్ పత్రాలను సరిపోల్చి చూస్తారు. అన్ని అర్హతలు సక్రమంగా ఉన్న నిజమైన రైతుల జాబితాను రూపొందించి బోనస్ మొత్తాన్ని జమ చేస్తారు. నిబంధనలు పాటించని ఇతర రకాల ధాన్యానికి ఈ వెసులుబాటు లభించదు. కాబట్టి సాగు చేసే ప్రతి రైతు సకాలంలో ఈ ప్రక్రియను పూర్తి చేసి లబ్ది పొందాలి.

Epaper: epaper.vaartha.com

ఇందిరమ్మ ఇళ్ల దరఖాస్తుదారులకు ఎదురుచూపులు