దరఖాస్తు సమయంలో అవసరమైన ధ్రువీకరణ పత్రాలు (సర్టిఫికెట్లు) చేతికి అందకపోయినా, వాటి కోసం వేచి చూడకుండా ముందుగా అప్లై చేసుకోవచ్చని స్పష్టం చేసింది. దీనితో సర్టిఫికెట్ల జాప్యం వల్ల దరఖాస్తు గడువు ముగిసిపోతుందేమోనని ఆందోళన చెందుతున్న పేదలకు పెద్ద ఉపశమనం లభించింది.

Read Also : Inter education: ఇంటర్ విద్య రద్దుపై కవిత తీవ్ర ఆగ్రహం

You can apply for the pension even without certificates.

Telangana New Pensions: సర్టిఫికెట్ల జాప్యం నేపథ్యంలో ప్రభుత్వ నిర్ణయం

ప్రస్తుతం గ్రామీణ ప్రాంతాల్లో కొత్త పింఛన్ల స్వీకరణ ప్రక్రియ శరవేగంగా కొనసాగుతోంది. అయితే దివ్యాంగుల సదరం సర్టిఫికెట్లు, కులం, ఆదాయం మరియు మరణ ధ్రువీకరణ పత్రాలు పొందేందుకు తహసీల్దార్ కార్యాలయాలు, రెవెన్యూ కేంద్రాల వద్ద సమయం పడుతోందని ప్రభుత్వానికి ఫిర్యాదులు వచ్చాయి. ఈ ఇబ్బందులను గుర్తించిన ప్రభుత్వం, అర్హులెవరూ దరఖాస్తుకు దూరం కాకూడదనే ఉద్దేశంతో మీసేవా కేంద్రాలు లేదా ఆన్‌లైన్ ద్వారా ముందుగానే అప్లై చేసుకునే వెసులుబాటు కల్పించింది.

వెరిఫికేషన్ సమయానికి సర్టిఫికెట్లు తప్పనిసరి

దరఖాస్తు సమర్పించేటప్పుడు సర్టిఫికెట్లు లేకపోయినా పర్వాలేనప్పటికీ, ఒక ముఖ్యమైన నిబంధనను అధికారులు గుర్తుచేశారు. అధికారులు దరఖాస్తులను క్షేత్రస్థాయిలో పరిశీలించే (ఫీల్డ్ వెరిఫికేషన్) సమయానికి మాత్రం సంబంధిత ధ్రువీకరణ పత్రాలను తప్పనిసరిగా చూపించాల్సి ఉంటుంది. కాబట్టి దరఖాస్తు పూర్తి చేసిన వెంటనే అవసరమైన కాగితాలను సిద్ధం చేసుకోవాలని సూచించారు.

సెప్టెంబర్ 15 ఆఖరి తేదీ

కొత్త పింఛన్ల దరఖాస్తు ప్రక్రియకు సెప్టెంబర్ 15ను చివరి తేదీగా అధికారులు నిర్ణయించారు. అర్హత కలిగిన ప్రతి ఒక్కరూ ఎలాంటి ఆలస్యం చేయకుండా ఈ అవకాశాన్ని ఉపయోగించుకుని గడువులోగా దరఖాస్తు చేసుకోవాలని, నిర్ణీత తేదీ దాటిన తర్వాత వచ్చే అప్లికేషన్లను పరిగణనలోకి తీసుకోబోమని సెర్ప్ స్పష్టం చేసింది.

వరంగల్ - కరీంనగర్ వాసులకు గుడ్ న్యూస్