ఈ క్రమంలోనే దసరా నవరాత్రుల సందర్భంగా తిరుమలలో శ్రీవారి నవరాత్రి బ్రహ్మోత్సవాలు నిర్వహించేందుకు టీటీడీ (TTD) సిద్ధమైంది. ఈ ఏడాది నవరాత్రి బ్రహ్మోత్సవాలు ఈ నెల 12 నుండి 20వ తేదీ వరకు తొమ్మిది రోజుల పాటు అత్యంత వైభవంగా జరగనున్నాయి. చాంద్రమానం ప్రకారం ప్రతి మూడు సంవత్సరాలకోసారి వచ్చే అధికమాసం సందర్భంగా దసరా నవరాత్రుల్లో (ఆశ్వయుజం) ఈ నవరాత్రి బ్రహ్మోత్సవాలను నిర్వహించడం ఆనవాయితీగా వస్తోంది.

Read Also :TTD Updates: కిటకిటలాడుతున్న తిరుమల కంపార్టుమెంట్లు

Tirumala Navaratri Brahmotsavam: అన్నమయ్య భవనంలో సమీక్ష..

• సాలకట్ల బ్రహ్మోత్సవాల లెక్కలు: సెప్టెంబర్ 15 నుంచి 23 వరకు జరిగిన సాలకట్ల బ్రహ్మోత్సవాల్లో మొత్తం 5.76 లక్షల మంది భక్తులు స్వామివారిని దర్శించుకున్నారు. హుండీ ద్వారా రూ. 28.94 కోట్ల ఆదాయం రాగా, 21.84 లక్షల అన్నప్రసాదాలు, 2.04 లక్షల తలనీలాలు, 33 లక్షల లడ్డూల విక్రయం జరిగింది.
• భక్తుల రద్దీ 30 శాతం పెరిగే అవకాశం: వరుస సెలవులు, తమిళ పెరటాసి మాసం కావడంతో సాలకట్ల బ్రహ్మోత్సవాల కంటే ఈసారి 25 నుంచి 30 శాతం అదనంగా భక్తులు వచ్చే అవకాశం ఉందని టీటీడీ ఈవో ముద్దాడ రవిచంద్ర తెలిపారు.
• ఉన్నత స్థాయి సమీక్ష సమావేశం: అన్నమయ్య భవనంలో అదనపు ఈవో సీహెచ్ వెంకయ్య చౌదరి, జిల్లా కలెక్టర్ డాక్టర్ వెంకటేశ్వర్, ఎస్పీ సుబ్బారాయుడు, జేఈవోలు డాక్టర్ శరత్, ప్రభల గోపీనాథ్, సీవీఎస్వో మురళీకృష్ణతో కలిసి వివిధ విభాగాల ఏర్పాట్లపై టీటీడీ ఈవో సమీక్ష నిర్వహించారు.
• పటిష్టమైన ఏర్పాట్లు: వసతి, క్యూలైన్లు, అన్నప్రసాదం, పారిశుధ్యం, రవాణా, వైద్య సహాయ రంగాల్లో సాలకట్ల బ్రహ్మోత్సవాలలో అనుసరించిన వ్యూహాన్నే కొనసాగిస్తూ, ఎలాంటి లోటుపాట్లకు తావులేకుండా చర్యలు తీసుకోవాలని అధికారులను ఆదేశించారు.

కిటకిటలాడుతున్న తిరుమల కంపార్టుమెంట్లు