Shubman gill injury:భారత కెప్టెన్ శుభమన్ గిల్ గాయపడ్డాడు. శ్రీలంకతో టెస్టు సిరీస్ నేపథ్యంలో టీమిండియా ప్రాక్టీస్ మొదలుపెట్టింది. గురువారం ప్రాక్టీస్ చేస్తుండగా గిల్ చేతి వేలికి గాయమైనట్లు బీసీసీఐ పేర్కొంది.
దీంతో వార్మప్ మ్యాచ్ మొదటి రోజు గిల్ బరిలోకి దిగలేదు. అతడి స్థానంలో కేఎల్ రాహుల్ తొలి రోజు సారధ్యం నిర్వహిస్తాడని బీసీసీఐ వెల్లడించింది. అదేవిధంగా సాయి సుదర్శన్ కు విశ్రాంతి ఇచ్చింది మేనేజ్ మెంట్. పేసర్ గురునూర్ బ్రార్ బౌలింగ్ లో ప్రాక్టీస్ చేస్తుండగా గిల్ కుడి చేతి బొటన వేలికి బంతి బలంగా తాకింది. దీంతో వెంటనే ఫిజియో సేవలు తీసుకున్న గిల్ చేతి వేలికి స్ట్రాప్ కట్టుకుని మళ్ళీ బ్యాటింగ్ కు వచ్చాడు. ఆ తర్వాత అతడు స్పిన్ బౌలింగ్ లో మాత్రమే సాధన చేశాడు.
Read also: Saint Louis Rapid and Blitz Title: సెయింట్ లూయిస్ టోర్నమెంట్లో విజేతగా ఆర్. ప్రజ్ఞానంద
Shubman Gill injured during practice
వైద్య బృందం పర్యవేక్షణలో గిల్ కోలుకోవడం
ముందస్తు జాగ్రత్తల్లో భాగంగా శ్రీలంక ఎలెవన్ తో వార్మప్ మ్యాచ్ మొదటి రోజు గిల్ మైదానంలోకి దిగలేదు. అతడికి బదులు కేఎల్ రాహుల్ నాయకత్వం వహిస్తాడు. బీసీసీఐ వైద్య బృందం నిరంతరం గిల్ గాయంపై పర్యవేక్షిస్తోందని బీసీసీఐ ప్రకటనలో పేర్కొంది. ఆటగాళ్ల ఫిట్ నెస్ పై మేనేజ్ మెంట్ ప్రత్యేక దృష్టి పెట్టింది. కీలకమైన టెస్టు సిరీస్ ప్రారంభానికి ముందు కెప్టెన్ గాయపడటం టీమిండియాకు ఆందోళన కలిగిస్తోంది. గిల్ త్వరగా కోలుకోవాలని అభిమానులు కోరుకుంటున్నారు. వైద్యులు అతడి ఆరోగ్య పరిస్థితిని నిరంతరం పరిశీలిస్తున్నారు. త్వరలోనే గిల్ పూర్తి ఫిట్ నెస్ సాధిస్తాడని టీమ్ మేనేజ్ మెంట్ భావిస్తోంది.
Shubman gill injury:శ్రీలంక ఎలెవన్ తో వార్మప్ మ్యాచ్ విశేషాలు
మూడు రోజుల వార్మప్ మ్యాచ్ లో శ్రీలంక ఎలెవన్ టీమ్ తూలుత బ్యాటింగ్ ఎంచుకుంది. కొలంబో వేదికగా ఈ మ్యాచ్ జరుగుతోంది. దీంతో భారత బౌలర్లకు మంచి ప్రాక్టీస్ లభించనుంది. ఆగస్టు 15 నుంచి గాలే వేదికగా శ్రీలంక టీమిండియా జట్ల మధ్య తొలి టెస్టు జరగనుంది. అందుకు సన్నాహకంగా భారత్ ఈ మ్యాచ్ ను వినియోగించుకుంటోంది. బుమ్రా గైర్హాజరీలో సిరాజ్, ప్రసిద్ధ్ భారత్ పేస్ కు కీలక కానున్నారు. వీరిద్దరికి ఈ మ్యాచ్ లో రాణించడం అత్యంత ముఖ్యం. యువ ఆటగాళ్లు ఈ అవకాశాన్ని సద్వినియోగం చేసుకోవాలని కోచ్ భావిస్తున్నారు.
Epaper: epaper.vaartha.com