NEET Scam Update: దేశవ్యాప్తంగా తీవ్ర సంచలనం సృష్టించిన నీట్ (NEET) ప్రశ్నపత్రం లీకేజీ కేసులో కేంద్ర దర్యాప్తు సంస్థ (CBI) కీలక విజయం సాధించింది.

ఈ కేసులో ప్రధాన సూత్రధారులుగా భావిస్తున్న ఇద్దరు ముఖ్య నిందితులను తమ ఆధీనంలోకి తీసుకుని విచారించేందుకు కోర్టు గ్రీన్ సిగ్నల్ ఇచ్చింది.

దేశవ్యాప్తంగా లక్షలాది మంది విద్యార్థుల భవిష్యత్తుతో ముడిపడి ఉన్న నీట్ పేపర్ లీక్ కేసు విచారణను సీబీఐ మరింత వేగవంతం చేసింది. ఈ కేసులో ప్రధాన నిందితులుగా ఉన్న పీవీ కులకర్ణి, మనీషాలను తమ కస్టడీకి ఇవ్వాలంటూ సిబిఐ దాఖలు చేసిన పిటిషన్‌పై శనివారం ఢిల్లీలోని రౌస్ అవెన్యూ కోర్టు కీలక తీర్పునిచ్చింది. నిందితులిద్దరినీ 10 రోజుల పాటు సీబీఐ కస్టడీకి అప్పగిస్తూ న్యాయస్థానం ఆదేశాలు జారీ చేసింది.

Read also: NEET Exam: నీట్ రాసే విద్యార్థులకు అలర్ట్: పరీక్షా కేంద్రాల మార్పునకు మే 21 వరకు ఛాన్స్!

ఆర్థిక లావాదేవీలు, నెట్‌వర్క్‌పై లోతైన విచారణ

ప్రశ్నపత్రాల లీకేజీ ఎక్కడ ప్రారంభమైంది? ఈ ముఠా వెనుక ఉన్న పెద్ద తలకాయలు ఎవరు? అనే కోణంలో సీబీఐ అధికారులు పక్కా ఆధారాలను సేకరించే పనిలో పడ్డారు. లీకైన పేపర్ల నెట్‌వర్క్ ఎంతవరకు విస్తరించింది? విద్యార్థుల నుంచి ఎంత మొత్తంలో వసూలు చేశారు? ఈ వ్యవహారంలో జరిగిన కోట్ల రూపాయల ఆర్థిక లావాదేవీల (Financial Transactions) మూలాలను వెలికితీసేందుకే తాము కస్టడీ కోరినట్లు సీబీఐ న్యాయస్థానానికి వివరించింది.