సోమవారం ఉదయం ఆయన కుప్పం నుంచి నేరుగా అమరావతిలోని సచివాలయానికి తిరుగుపయనమయ్యారు. ఈ పర్యటనలో నియోజకవర్గ అభివృద్ధికి సంబంధించి పలు నూతన కార్యక్రమాలకు శ్రీకారం చుట్టడంతో పాటు, దశాబ్దాలుగా నలుగుతున్న కొన్ని కీలక సమస్యలకు సీఎం చంద్రబాబు శాశ్వత పరిష్కారాలు చూపడం గమనార్హం.

రూ. 9,322 కోట్ల పెట్టుబడులు – 61 ఏళ్ల నాటి సమస్యకు ముగింపు:

కుప్పం పర్యటనలో భాగంగా ముఖ్యమంత్రి అత్యంత బిజీ షెడ్యూల్‌ను గడిపారు. స్థానిక రైతులు, ప్రభుత్వ సంక్షేమ పథకాల లబ్ధిదారులు, అధికారులు, కూటమి పార్టీల నేతలు మరియు పారిశ్రామికవేత్తలతో ఆయన వరుసగా భేటీ అయ్యారు. ఈ పర్యటనలో ప్రధాన హైలైట్ ఏంటంటే.. కంగుంది ప్రాంత రైతాంగానికి సంబంధించి గత 61 సంవత్సరాలుగా పెండింగ్‌లో ఉన్న భూ వివాదానికి సీఎం శాశ్వత పరిష్కారం ప్రకటించారు. దీనితో పాటు, కుప్పం పరిసర ప్రాంతాలలో రూ. 9,322 కోట్ల భారీ వ్యయంతో దాదాపు 30 పరిశ్రమలను ఏర్పాటు చేసేందుకు వీలుగా పలు ప్రాజెక్టులకు శంకుస్థాపనలు, ప్రారంభోత్సవాలు మరియు కీలకమైన అవగాహన ఒప్పందాలు (MoUలు) కుదుర్చుకున్నారు.

Chandrababu Naidu: ఆరు రోజుల జిల్లాల పర్యటన పూర్తి:

ఈ నెల 1వ తేదీన నెల్లూరు జిల్లా గూడూరులో సామాజిక పింఛన్ల పంపిణీ కార్యక్రమంతో ప్రారంభమైన ముఖ్యమంత్రి జిల్లాల పర్యటన నేటితో ముగిసింది. మొత్తం నాలుగు జిల్లాల పరిధిలో ఆరు రోజుల పాటు ఈ పర్యటన సాగింది.

నేడు అమరావతిలో వరుస సమీక్షలు:

అమరావతి సచివాలయానికి చేరుకున్న వెంటనే ముఖ్యమంత్రి చంద్రబాబు తన అధికారిక విధుల్లో నిమగ్నం కానున్నారు. ఈరోజు ఉదయం ఆయన రియల్ టైమ్ గవర్నెన్స్ (RTG) విభాగంపై ఉన్నతాధికారులతో సమీక్ష నిర్వహించనున్నారు. అనంతరం మధ్యాహ్నం విశాఖపట్నం, అమరావతి, తిరుపతి ఆర్థిక మండళ్ల (ఎకనామిక్ రీజియన్స్) అభివృద్ధి మరియు భవిష్యత్ కార్యాచరణపై జరగనున్న ఉన్నత స్థాయి సమీక్షా సమావేశాలకు ఆయన హాజరవుతారు.

సముద్రంలో గల్లంతైన విశాఖ మత్స్యకారులందరూ క్షేమం: మంత్రి అచ్చెన్నాయుడు