సెక్రటేరియట్ (సచివాలయం) 6వ అంతస్తులోని కేబినెట్ హాల్‌లో జరిగే ఈ 34వ మంత్రిమండలి భేటీకి సంబంధించి ప్రభుత్వ ప్రధాన కార్యదర్శి (సీఎస్) ఈరోజు అధికారిక ఆదేశాలు జారీ చేశారు.

రంగంలోకి యంత్రాంగం.. శాఖలవారీగా అజెండా తయారీ

కేబినెట్ సమావేశం ఖరారు కావడంతో సచివాలయంలో ఒక్కసారిగా పాలనాపరమైన సందడి మొదలైంది. ప్రభుత్వంలోని అన్ని శాఖల ప్రత్యేక ప్రధాన కార్యదర్శులు, సెక్రటరీలు తమ తమ పరిధిలోని కీలక అంశాలతో అజెండాను సిద్ధం చేసే పనిలో నిమగ్నమయ్యారు. ఈ ప్రతిపాదనలను తెలుగు అనువాదంతో కలిపి, రేపు మధ్యాహ్నం 1:00 గంటలోపు సాధారణ పరిపాలన (కేబినెట్) విభాగానికి సమర్పించాలని సీఎస్ ఆదేశించారు. ఒకవేళ ఏ శాఖలోనైనా అజెండా అంశాలు లేకపోయినా.. నిర్ణీత సమయానికి ‘నిల్’ (NIL) నివేదికను తప్పనిసరిగా పంపాల్సి ఉంటుంది.

Telangana Cabinet Meeting: అధికారులకు కీలక ఆదేశాలు.. అప్రమత్తమైన ప్రొటోకాల్ విభాగం

సమావేశం సజావుగా సాగేందుకు ప్రభుత్వం ముందస్తుగా కట్టుదిట్టమైన చర్యలు చేపట్టింది. కేబినెట్ భేటీ పూర్తయ్యే వరకు ఉన్నతాధికారులు, కార్యదర్శులందరూ విధిగా తమ కార్యాలయాల్లోనే అందుబాటులో ఉండాలని సీఎస్ స్పష్టం చేశారు. దీంతో పాటు సమావేశానికి అవసరమైన సాంకేతిక, పరిపాలనాపరమైన ఏర్పాట్లను పర్యవేక్షించాలని ప్రొటోకాల్ డైరెక్టర్, హార్టికల్చర్ డైరెక్టర్, ట్రాన్స్‌లేషన్స్ డైరెక్టర్, TGTS యూనిట్ మేనేజర్లను ఆదేశించారు.

సీఎం రేవంత్‌తో సునీల్‌ మిట్టల్‌ భేటీ