ఈ చారిత్రాత్మక సందర్భాన్ని పురస్కరించుకుని టీవీకే పార్టీ శ్రేణులు, అభిమానులు తమిళనాడు అంతటా భారీ ఎత్తున సామాజిక సేవా కార్యక్రమాలు, అన్నదానాలు నిర్వహించారు. ఇందులో భాగంగా తూత్తుకుడి (Tuticorin) జిల్లాలో ఒక వినూత్నమైన సంబరం అందరి దృష్టిని ఆకర్షించింది. ముఖ్యమంత్రి విజయ్ పుట్టినరోజు నాడే ప్రభుత్వ ఆసుపత్రిలో జన్మించిన నవజాత శిశువులకు ఉచితంగా బంగారు ఉంగరాలను బహూకరించి అభిమానాన్ని చాటుకున్నారు.

Read Also :Operation Tiger : 'ఆపరేషన్ టైగర్' సక్సెస్ - సీఎం ఫడణవీస్

CM Vijay Birthday: పుట్టినరోజు నాడే పుట్టిన ఆరుగురు బిడ్డలకు ‘బంగారు’ కానుక

Tamil Nadu CM Vijay Birthday

తూత్తుకుడి ప్రభుత్వ సర్వజన ఆసుపత్రిలో సీఎం విజయ్ జన్మదినం రోజైన సోమవారం (జూన్ 22, 2026) మొత్తం ఆరుగురు నవజాత శిశువులు (Newborn Babies) జన్మించారు. విషయం తెలుసుకున్న స్థానిక ఎమ్మెల్యే, తమిళనాడు మత్స్యశాఖ మంత్రి శ్రీనాథ్ వెంటనే ఆసుపత్రికి చేరుకున్నారు. ప్రసవ వార్డుకు వెళ్లి తల్లీబిడ్డల క్షేమ సమాచారాలు అడిగి తెలుసుకున్నారు. ముఖ్యమంత్రి పుట్టినరోజును పురస్కరించుకుని ఆ ఆరుగురు పసిబిడ్డలకు మంత్రి శ్రీనాథ్ తన సొంత ఖర్చులతో ప్రత్యేకంగా తయారు చేయించిన బంగారు ఉంగరాలను (Gold Rings) బహూకరించారు. ముఖ్యమంత్రి పుట్టినరోజు నాడే తమ పిల్లలు పుట్టడం, అదే సమయంలో ఊహించని విధంగా ప్రభుత్వ మంత్రి చేతుల మీదుగా బంగారు కానుక అందడంతో ఆయా కుటుంబాల ఆనందానికి అవధులు లేకుండా పోయాయి. ఆసుపత్రి పరిసరాల్లో టీవీకే శ్రేణులు మిఠాయిలు పంచి సంబరాలు చేసుకున్నారు.