Singareni Collieries:సింగరేణి రామగుండం బొగ్గు గని ప్రాజెక్టుకు కేంద్ర ప్రభుత్వం పచ్చజెండా ఊపింది. బొగ్గు ఉత్పత్తి పడిపోవడంతో ఇబ్బందుల్లో ఉన్న సింగరేణి సంస్థకు ఈ నిర్ణయం పెద్ద ఊరటనిస్తోంది.

ఈ కొత్త ప్రాజెక్టు కోసం పర్యావరణ అనుమతులు మంజూరు చేయడంతో తవ్వకాలకు మార్గం సుగమం అయింది. ఏటా 2.10 కోట్ల టన్నుల బొగ్గును ఉత్పత్తి చేయడమే లక్ష్యంగా ఈ ప్రాజెక్టును సిద్ధం చేశారు. దీనివల్ల సంస్థకు కొత్త ఆదాయం లభించడంతో పాటు ఉద్యోగులకు ఉపాధి అవకాశాలు పెరుగుతాయి. దాదాపు రూ.2,194 కోట్ల భారీ వ్యయంతో ఐదు గనులను ఏర్పాటు చేయబోతున్నారు. పాత గనుల మూతతో ఆందోళనలో ఉన్న వేలాదిమంది కార్మికులకు ఇది మంచి అవకాశం. ఈ ప్రాజెక్టు ద్వారా బొగ్గు కొరతను అధిగమించి విద్యుత్ కేంద్రాలకు సరఫరా పెంచుతారు. రామగుండం పరిసర ప్రాంతాల్లో బొగ్గు నిల్వలు పుష్కలంగా ఉన్నట్లు అధికారులు గుర్తించారు. పర్యావరణ నిబంధనలను పాటిస్తూనే బొగ్గు వెలికితీతను వేగవంతం చేయనున్నారు. సింగరేణి భవిష్యత్తుకు ఈ ప్రాజెక్టు ఒక కీలక మలుపుగా నిలుస్తుంది.

Read also:Oman Coast Ship Attack: భారతీయ సిబ్బంది నౌకపై దాడి.. అమెరికాపై భారత్ తీవ్ర అగ్రహం

Singareni Ramagundam Coal Mine Project

రామగుండం కోల్‌మైన్ ప్రాజెక్టులో భాగంగా మొత్తం ఐదు గనుల్లో బొగ్గు తవ్వకాలు జరగనున్నాయి. ఇందులో రెండు ఓపెన్ కాస్ట్ గనులు, మూడు అండర్‌గ్రౌండ్ గనులు ఉన్నాయి. ఇక్కడ సుమారు 314.98 మిలియన్ టన్నుల బొగ్గు నిల్వలు ఉన్నట్లు అంచనా వేస్తున్నారు. ఈ గనుల కోసం 4326.08 హెక్టార్ల భూమి అవసరమని గుర్తించి అనుమతులు పొందారు. వచ్చే 25 ఏళ్ల పాటు నిరంతరంగా బొగ్గును ఉత్పత్తి చేయడానికి ప్రణాళికలు సిద్ధం చేశారు. ఎన్టీపీసీ సహా ఇతర బొగ్గు ఆధారిత పరిశ్రమలకు అవసరమైన ఇంధనాన్ని సరఫరా చేస్తారు. గతంలో మూతపడిన గనులను కూడా ఓపెన్ కాస్ట్ పద్ధతిలో పునరుద్ధరించనున్నారు. తక్కువ ఖర్చుతో బొగ్గును వెలికితీయడం ఈ ప్రాజెక్టు ముఖ్య ఉద్దేశ్యం. ఐదు వేల మందికి పైగా సింగరేణి ఉద్యోగులు ఈ ప్రాజెక్టులో పని చేయనున్నారు. అదనంగా మరో ఆరు వందల మంది కాంట్రాక్ట్ సిబ్బందికి పని దొరుకుతుంది. ఈ విస్తరణ పనుల వల్ల ఉత్పత్తి సామర్థ్యం గణనీయంగా పెరగనుంది.

Singareni Collieries:వేల మంది కార్మికులకు పెరగనున్న ఉపాధి అవకాశాలు