Amazon : భారతదేశపు ఆన్‌లైన్ ఈ-కామర్స్ రంగంలో అగ్రగామి సంస్థ అయిన అమెజాన్ ఇండియా (Amazon.in), దేశంలోనే అతిపెద్ద సౌందర్య ఉత్పత్తుల కేంద్రంగా తన స్థానాన్ని మరింత సుస్థిరం చేసుకుంది.

అంతర్జాతీయ బ్రాండ్లకు భారత్‌లో విపరీతమైన గిరాకీ పెరుగుతున్న నేపథ్యంలో, 2026వ సంవత్సరంలో సరికొత్తగా 100కు పైగా అంతర్జాతీయ మరియు ప్రీమియం బ్రాండ్లను తన స్టోర్‌లో ప్రవేశపెడుతున్నట్లు అమెజాన్ అధికారికంగా ప్రకటించింది. ఈ సరికొత్త లైనప్‌లో డోల్సె & గబ్బానా, లారా మెర్సియర్, ఎలెమిస్, అర్బన్ డీకే, అవెడా మరియు లా రోష్ పోసే వంటి ప్రపంచ ప్రఖ్యాతి గాంచిన అగ్రశ్రేణి బ్రాండ్లు కొలువుదీరనున్నాయి. కేవలం అమెరికా, ఐరోపా ఉత్పత్తులే కాకుండా జపాన్, ఆస్ట్రేలియా, ఫ్రాన్స్ దేశాలకు చెందిన ప్రత్యేక స్కిన్‌కేర్ శ్రేణితో పాటు మధ్యప్రాచ్య దేశాల (Middle East) నుండి సుగంధభరితమైన ఊద్, అత్తర్ వంటి ప్రీమియం పెర్ఫ్యూమ్ బ్రాండ్లను కూడా అందుబాటులోకి తెస్తున్నారు. రాబోయే జూలై 'ప్రైమ్ డే' (Prime Day) సేల్స్ సందర్భంగా కస్టమర్ల కోసం అనేక రకాల బ్లాక్‌బస్టర్ డీల్స్, ఎక్స్‌క్లూజివ్ లాంచ్‌లను సిద్ధం చేస్తున్నట్లు సంస్థ పేర్కొంది.

Read Also : బంగారం ధరలకు మళ్లీ రెక్కలు.. తులం రేటు షాకింగ్ స్థాయికి

గ్రామీణ భారతంలో బ్యూటీ ట్రెండ్స్ - సాంకేతికతతో సులువైన షాపింగ్

ఈ నివేదికలో అత్యంత ఆసక్తికరమైన అంశం ఏమిటంటే.. ప్రీమియం సౌందర్య సాధనాల కొనుగోళ్లలో 50 శాతానికి పైగా డిమాండ్ ద్వితీయ, తృతీయ శ్రేణి (Tier-2 & Tier-3) పట్టణాలైన త్రిస్సూర్, డెహ్రాడూన్, పాటియాలా, గౌహతి మరియు కొల్హాపూర్ వంటి నగరాల నుంచే వస్తోంది. కొరియన్ స్కిన్‌కేర్ (K-Beauty), ఫ్రెంచ్ ఫార్మసీ ప్రొడక్ట్స్‌తో పాటు పురుషుల ప్రీమియం గ్రూమింగ్ విభాగం ఏటా 2.5 రెట్ల వృద్ధిని నమోదు చేస్తోంది. వినియోగదారులకు ఈ షాపింగ్ అనుభవాన్ని మరింత సులభతరం చేసేందుకు అమెజాన్ తన సరికొత్త జనరేటివ్ ఏఐ (Generative AI) షాపింగ్ అసిస్టెంట్ 'రూఫస్' (Rufus) మరియు 'అమెజాన్ లెన్స్' వంటి అత్యాధునిక సాంకేతిక పరిజ్ఞానాన్ని రంగంలోకి దించింది. వీటి ద్వారా వినియోగదారులు తమ చర్మ తత్వానికి సరిపోయే మాయిశ్చరైజర్లు లేదా సీరమ్‌లను ఏఐ సలహాల ద్వారా ఎంచుకోవచ్చు. దేశంలోని టాప్ 100 నగరాల్లో సగానికి పైగా బ్యూటీ ఆర్డర్‌లను అదే రోజు లేదా మరుసటి రోజు డెలివరీ చేసేలా లాజిస్టిక్స్ నెట్‌వర్క్‌ను అమెజాన్ బలోపేతం చేసింది.