SPOs Recruitment: హైదరాబాద్ సిటీ పోలీస్ విభాగంలో శాంతిభద్రతల పరిరక్షణ, భద్రతా సేవల కోసం తాత్కాలిక ప్రాతిపదికన 150 ప్రత్యేక పోలీసు అధికారులు (Special Police Officers - SPOs) పోస్టుల భర్తీకి నోటిఫికేషన్ విడుదలైంది.
నగర భద్రతా విధుల్లో పోలీసు యంత్రాంగానికి సహకరించేందుకు అర్హత కలిగిన అభ్యర్థుల నుంచి దరఖాస్తులను ఆహ్వానిస్తున్నారు.
అర్హతలు మరియు వయోపరిమితి
ఈ పోస్టులకు మాజీ సైనికులు (Ex-Servicemen), మాజీ పారామిలటరీ బలగాలు (Ex-Paramilitary Forces) మరియు రిటైర్డ్ పోలీసు సిబ్బంది మాత్రమే దరఖాస్తు చేసుకోవడానికి అర్హులు.
- మాజీ సైనికులకు: గరిష్ట వయోపరిమితి 58 సంవత్సరాలు.
- రిటైర్డ్ పోలీసులు, పారామిలటరీ సిబ్బందికి: గరిష్ట వయోపరిమితి 62 సంవత్సరాలుగా నిర్ణయించారు.
SPOs Recruitment: గౌరవ వేతనం - విధులు
ఎంపికైన అభ్యర్థులకు నెలకు రూ. 26,000 గౌరవ వేతనం (Honorarium) అందజేస్తారు. హైదరాబాద్ నగరంలో వివిధ పోలీస్ స్టేషన్ల పరిధిలో బందోబస్తు, రద్దీ నియంత్రణ, ట్రాఫిక్ మరియు ఇతర రక్షణ విధుల్లో వీరు సేవలందించాల్సి ఉంటుంది. శారీరక దృఢత్వం, గత సేవా అనుభవం ఆధారంగా ఎంపిక ప్రక్రియ ఉంటుంది.
దరఖాస్తు సమర్పణ విధానం
ఆసక్తి మరియు అర్హత కలిగిన అభ్యర్థులు తమ అవసరమైన సర్వీస్ రికార్డులు, గుర్తింపు కార్డులు, విద్యార్హత ధ్రువపత్రాలతో కూడిన దరఖాస్తులను ఈ నెల 25వ తేదీ సాయంత్రం 5:00 గంటల లోపు స్వయంగా అందజేయాల్సి ఉంటుంది. దరఖాస్తులను హైదరాబాద్ పెట్లబుర్జ్లోని సిటీ ఆర్మ్డ్ రిజర్వ్ (CAR Headquarters) ప్రధాన కార్యాలయంలోని SPOs కార్యాలయంలో వ్యక్తిగతంగా సమర్పించాలని పోలీసు అధికారులు సూచించారు. గడువు ముగిసిన తర్వాత వచ్చే దరఖాస్తులను పరిగణనలోకి తీసుకోబోమని స్పష్టం చేశారు