స్థానిక సమరంలో వైఎస్సార్‌సీపీ నాటకాలకు తెరలేపిందని మండిపడ్డారు. తమ నామినేషన్ పత్రాలను తమ నాయకులే స్వయంగా చించుకోవడమే కాకుండా, శాంతిభద్రతలను పరిరక్షించేందుకు ప్రయత్నిస్తున్న పోలీసులపై దాడులకు తెగబడుతున్నారని ఆరోపించారు. వైసీపీ శ్రేణుల తీరు, అరాచకాలు పూర్వపు ‘స్టువర్టుపురం ముఠా’ వ్యవహారంలా తయారయ్యాయని, గ్రామాల్లో భయాందోళనలు సృష్టించి ప్రజాస్వామ్య బద్ధంగా జరగాల్సిన ఎన్నికల వాతావరణాన్ని దెబ్బతీస్తున్నారని ఆగ్రహం వ్యక్తం చేశారు.

చర్యలు తీసుకోవాలని ఆదేశాలు: ఎస్‌ఈసీకి టీడీపీ, జనసేన, బీజేపీ ప్రతినిధులు

వైసీపీ నాయకులు సాగిస్తున్న ఈ అక్రమాలు, అరాచకాలపై తక్షణమే కఠిన చర్యలు తీసుకోవాలని డిమాండ్ చేస్తూ కూటమి ప్రతినిధులు వర్ల రామయ్య, చిల్లపల్లి శ్రీనివాస్, పాతూరి నాగభూషణంలు రాష్ట్ర ఎన్నికల కమిషన్ (SEC) అధికారులను కలసి వినతిపత్రం అందజేశారు. నిష్పాక్షికంగా, శాంతియుతంగా ఎన్నికలు జరిగేలా ఎన్నికల సంఘం తగిన భద్రతా చర్యలు చేపట్టాలని కోరారు. నామినేషన్ల దాఖలు ప్రక్రియను అడ్డుకుంటున్న వారిని, పోలీసులపై దాడులకు పాల్పడుతున్న అరాచక శక్తులను గుర్తించి వారిపై చట్టపరమైన కేసులు నమోదు చేయాలని ఎస్‌ఈసీని వారు లేఖ ద్వారా కోరారు.

ఎంపీటీసీ, జడ్పీటీసీ సీట్ల పంపకంపై కూటమి మంతనాలు