ఆదాయానికి మించిన ఆస్తులు (Disproportionate Assets) కలిగి ఉన్నారనే పక్కా సమాచారంతో గురువారం ఏకకాలంలో ఆమె నివాసంతో పాటు బంధువులు, బినామీల ఇళ్లపై ఏసీబీ అధికారులు మెరుపు దాడి చేశారు.

Read Also:Ketan Agarwal Murder Case: కేతన్ అగర్వాల్ హత్య.. ప్రియుడి బ్లాక్‌మెయిల్ వల్లేనా?

మార్కెట్ విలువ ₹50 కోట్లకు పైనే!

అధికారుల ప్రాథమిక అంచనా ప్రకారం స్వాధీనం చేసుకున్న డాక్యుమెంట్లు, ఆస్తుల ప్రభుత్వ రిజిస్ట్రేషన్ విలువ ₹5,05,52,465 గా నిర్ధారించారు. అయితే బహిరంగ మార్కెట్‌లో వీటి అసలు విలువ ₹50 కోట్లకు పైనే ఉంటుందని ఏసీబీ వర్గాలు భావిస్తున్నాయి. సిద్దిపేట జిల్లా మార్కూక్‌ మండలం దామరకుంటలో 2 ఎకరాల 17 గుంటల విలువైన వ్యవసాయ భూమిని అధికారులు గుర్తించారు. హైదరాబాద్‌లోని పలు కీలక ప్రాంతాల్లో 3 విలాసవంతమైన ఫ్లాట్లు, అలాగే కీసర, ఖానామెట్‌ ప్రాంతాల్లో రెండు ఖరీదైన నివాస స్థలాల (ఓపెన్ ప్లాట్లు) డాక్యుమెంట్లను కనుగొన్నారు.

నగదు, బంగారం, లగ్జరీ కార్ల సీజ్

ఇంట్లో దాచిన దాదాపు ₹1.20 కోట్ల విలువైన భారీ బంగారు నగల శ్రేణి, వజ్రాభరణాలను స్వాధీనం చేసుకున్నారు. ఇంట్లో లభ్యమైన ₹12 లక్షల లిక్విడ్ క్యాష్‌తో పాటు, వివిధ బ్యాంకు ఖాతాలలో ఫ్రీజ్ చేసిన ₹38 లక్షల నగదు నిల్వలను సీజ్ చేశారు. ఆమె వాడుతున్న వోక్స్‌వ్యాగన్ (Volkswagen), హ్యుందాయ్ క్రెటా (Hyundai Creta) వంటి రెండు లగ్జరీ కార్లను అధికారులు అదుపులోకి తీసుకున్నారు.

Tahsildar Sucharitha ACB Raids: ₹30 లక్షల లంచం కేసు.. చంచల్‌గూడ జైలులో రిమాండ్

ఈ అక్రమాస్తుల తవ్వకానికి పునాది గత నెలలో జరిగిన ఓ భారీ లంచం ఉదంతమే. శామీర్‌పేట్‌ మండలం అలియాబాద్‌ పరిధిలోని 30 ఎకరాల భూమిని నాలా (వ్యవసాయేతర భూమి) మార్పిడి చేయడానికి సుచరిత ఎకరాకు ₹1 లక్ష చొప్పున మొత్తం ₹30 లక్షలు లంచం డిమాండ్ చేశారు. బాధితుల ఫిర్యాదుతో రంగంలోకి దిగిన ఏసీబీ.. గత మే 26న మధ్యవర్తి ద్వారా మొదటి విడతగా ₹2 లక్షలు లంచం తీసుకుంటుండగా సుచరితను రెడ్ హ్యాండెడ్‌గా పట్టుకున్నారు. ప్రస్తుతం ఆమె సస్పెన్షన్‌లో ఉంటూ చంచల్‌గూడ మహిళా జైలులో జ్యుడీషియల్‌ రిమాండ్‌లో ఉన్నారు. తాజాగా ఈ ఆస్తుల కేసుతో ఆమె చుట్టూ ఉచ్చు మరింత బిగిసింది.

Epaper: epaper.vaartha.com

దారుణం.. నిస్సహాయ చిన్నారిపై అంగన్‌వాడీ టీచర్ దాష్టీకం