Summer Telugu Movies 2026: తెలుగు సినీ పరిశ్రమలో సంక్రాంతి తర్వాత అత్యంత కీలకమైన సీజన్‌గా సమ్మర్‌ను పరిగణిస్తారు. స్కూల్, కాలేజీలకు దీర్ఘకాల సెలవులు ఉండటం, కుటుంబాలతో, కలిసి బయటకు వెళ్లే అవకాశాలు ఎక్కువగా ఉండటంతో థియేటర్లకు ప్రేక్షకుల రాక సహజంగానే పెరుగుతుంది.

ఒకప్పుడు ఈ వేసవి సీజన్ అంటే అగ్రహీరోల సినిమాల సందడి, భారీ ఓపెనింగ్స్, బాక్సాఫీస్ వద్ద హోరాహోరీ పోటీ అన్న మాట. ఏ సినిమా ఎక్కువ వసూళ్లు సాధిస్తుందన్నదే పరిశ్రమలో హాట్ టాపిక్‌గా ఉండేది.

Rebel Star: సినిమా షూటింగ్ లోగాయపడ్డ ప్రభాస్‌?

వేసవిని టార్గెట్ చేస్తూ సినిమాలు సిద్ధం

అయితే గత కొన్ని సంవత్సరాలుగా పాన్ ఇండియా ప్రాజెక్టులు, విడుదల తేదీల మార్పులు, ముఖ్యంగా ఐపీఎల్ మ్యాచ్‌ల ప్రభావం వల్ల వేసవిలో సినిమాల హడావుడి కాస్త తగ్గింది. అయినప్పటికీ ఈ ఏడాది చిన్నా, పెద్దా అనేక చిత్రాలు వేసవిని టార్గెట్ చేస్తూ సిద్ధమవుతుండటంతో సమ్మర్‌లో థియేటర్లు కళకళలాడనున్నాయి. మార్చి మొదటి వారంలోనే కొత్త సినిమాల జోరు మొదలు కాబోతుంది. లావణ్య త్రిపాఠి ప్రధాన పాత్రలో తెరకెక్కిన 'సతీ లీలావతి' మార్చి 6న ప్రేక్షకుల ముందుకు రానుంది.

అదే రోజున శివాజీ, లయ కీలక పాత్రల్లో నటించిన కుటుంబ కథా చిత్రం 'సాంప్రదాయని సుప్పిని సుద్దపూసని' కూడా థియేటర్లలోకి వచ్చేందుకు సిద్ధమవుతోంది. మార్చి 13న చిన్న చిత్రం 'బ్యాండ్ మేళం' ప్రేక్షకులను అలరించనుంది. 'ధురంధర్ 2' కూడా తెలుగులో విడుదల కానుంది.'కేజీఎఫ్‌'తో పాన్ ఇండియా హీరోగా ఎదిగిన యశ్ నటించిన 'టాక్సిక్' కూడా అదేరోజున విడుదలకు సిద్ధమవుతోంది.

'స్వయంభు' పై మంచి అంచనాలు ఉన్నాయి

పవర్‌స్టార్ పవన్ నటించిన తాజా చిత్రం ' ఉస్తాద్ భగత్‌సింగ్ ' మార్చి 26న విడుదల కానుంది. ఏప్రిల్‌లో కూడా సినిమాల సందడి కొనసాగనుంది. శర్వానంద్ నటించిన 'బైకర్' ఏప్రిల్ 3న రానుంది.అదే రోజున సంగీత్ శోభన్ నటించిన 'రాకాస' కూడా విడుదలవుతోంది. ఏప్రిల్ 10న నిఖిల్ సిద్ధార్థ నటించిన పీరియాడిక్ యాక్షన్ డ్రామా 'స్వయంభు' ప్రేక్షకుల ముందుకు రానుంది. భరత్ కృష్ణమాచారి దర్శకత్వంలో రూపొందిన ఈ చిత్రంపై మంచి అంచనాలు ఉన్నాయి.