Court Summer Holidays: సుప్రీం కోర్టుకు ఈ ఏడాది జూన్ 1వ తేదీ నుంచి జులై 12వ తేదీ వరకు వేసవి సెలవులు ప్రకటిస్తూ అత్యున్నత న్యాయస్థానం రిజిస్ట్రీ ఒక నోటిఫికేషన్‌ను జారీ చేసింది.

సుమారు ఆరు వారాల పాటు కోర్టుకు రెగ్యులర్ సెలవులు ఉన్నప్పటికీ.. ప్రజా ప్రయోజనాలు, అత్యవసర కేసుల విచారణకు ఎలాంటి ఆటంకం కలగకుండా సుప్రీం కోర్టు కీలక నిర్ణయం తీసుకుంది. సెలవుల కాలంలో కూడా అత్యవసర న్యాయ వివాదాలను ఆలస్యం లేకుండా పరిష్కరించేందుకు వీలుగా ప్రత్యేక ఏర్పాట్లు చేసింది.

Read Also :Supreme Court Rejects: 'కాక్రోచ్ జనతా పార్టీ' పిటిషన్‌పై అత్యవసర విచారణకు సుప్రీంకోర్టు నిరాకరణ

Court Summer Holidays: రోజుకు నాలుగు ప్రత్యేక బెంచ్‌లతో విచారణలు

Supreme Court Summer Vacation June 1 July 12 Vacation Benches

సెలవుల వ్యవధిలో రోజుకు నాలుగు ప్రత్యేక బెంచ్‌లు (4 Vacation Benches) నిరంతరాయంగా పనిచేస్తాయని సుప్రీం కోర్టు స్పష్టం చేసింది. బెయిల్ పిటిషన్లు, స్టే ఆర్డర్లు, హేబియస్ కార్పస్ మరియు ఇతర అత్యవసర రాజ్యాంగపరమైన లీగల్ మేటర్స్ ఈ సెలవుల కాలీన ధర్మాసనాల ముందుకు విచారణకు రానున్నాయి. కోర్టు పాక్షికంగా పనిచేసే రోజులలో ఏయే కేటగిరీల బెంచ్‌లు, ఏయే తేదీల్లో విధులను నిర్వర్తిస్తాయి.. అందులో ఏయే న్యాయమూర్తులు ఉంటారు అనే పూర్తి వివరాలతో కూడిన వివరణాత్మక షెడ్యూల్‌ను సుప్రీంకోర్టు రిజిస్ట్రీ అధికారికంగా ప్రకటించింది. సెలవుల అనంతరం జులై 13వ తేదీన (సోమవారం) సుప్రీం కోర్టు మళ్లీ పూర్తిస్థాయిలో పునఃప్రారంభం కానుంది.