దేశం తూర్పు అంచున, చైనా, మయన్మార్ సరిహద్దులకు సమీపంలో ఉన్న ఈ చిన్న గ్రామం ప్రతి ఏడాది వేలాది మంది ప్రకృతి ప్రేమికులను ఆకర్షిస్తుంది.

సముద్ర మట్టానికి సుమారు 1,200 మీటర్ల ఎత్తులో డాంగ్ :

సముద్ర మట్టానికి సుమారు 1,200 మీటర్ల ఎత్తులో ఉన్న డాంగ్ గ్రామం, లోహిత్ జిల్లాలోని వాలాంగ్ ప్రాంతానికి సమీపంలో ఉంటుంది. భారత ప్రామాణిక కాలమానం (IST) ప్రకారం ఇక్కడ శీతాకాలంలో ఉదయం సుమారు 4 నుంచి 5 గంటల మధ్యనే సూర్యుడు ఉదయించడం ప్రారంభిస్తాడు. సాయంత్రం కూడా సూర్యాస్తమయం దేశంలోని అనేక ప్రాంతాల కంటే చాలా ముందుగానే, సుమారు 4 గంటల ప్రాంతంలో కనిపిస్తుంది. అయితే ఈ సమయాలు కాలానుగుణంగా మారుతుంటాయి.

డాంగ్ గ్రామంలో సూర్యోదయాన్ని వీక్షించడం ఒక అద్భుతమైన అనుభూతిగా చెబుతారు. కొండల వెనుక నుంచి బంగారు కిరణాలు విరజిమ్ముతూ ప్రకృతిని వెలుగులతో నింపే దృశ్యం పర్యాటకులను మంత్రముగ్ధులను చేస్తుంది. ముఖ్యంగా అక్టోబర్ నుంచి ఏప్రిల్ వరకు ఇక్కడి వాతావరణం ఆహ్లాదకరంగా ఉండటంతో ఈ ప్రాంతాన్ని సందర్శించేందుకు ఎక్కువ మంది ఆసక్తి చూపుతారు.

డాంగ్ చేరుకోవాలంటే ముందుగా అరుణాచల్ ప్రదేశ్‌లోని డిబ్రుగఢ్ వైపు ప్రయాణించి, అక్కడి నుంచి వాలాంగ్ చేరుకోవాలి. అనంతరం కొంత దూరం ట్రెక్కింగ్ చేసి గ్రామానికి చేరుకోవాల్సి ఉంటుంది. ఈ ప్రయాణమే ప్రకృతి అందాలను ఆస్వాదించే ఓ ప్రత్యేక అనుభవంగా నిలుస్తుంది. భారతదేశంలో సూర్యుడు మొదట కనిపించే ప్రదేశంగా డాంగ్ గ్రామం ప్రత్యేక గుర్తింపు పొందింది.

ప్రశాంతమైన వాతావరణం, పచ్చని కొండలు, మేఘాల మధ్య నుంచి తొంగిచూసే తొలి సూర్యకిరణాలు ఈ గ్రామాన్ని ప్రకృతి ప్రేమికులు తప్పక సందర్శించాల్సిన గమ్యస్థానంగా నిలబెట్టాయి. ఒకసారి ఇక్కడి సూర్యోదయాన్ని ప్రత్యక్షంగా చూస్తే ఆ అనుభూతి జీవితాంతం గుర్తుండిపోతుందని పర్యాటకులు చెబుతుంటారు.

ప్రభుత్వ స్కూళ్లలో 'సిక్ రూమ్స్'..!