స్విట్జర్లాండ్‌లో కాల్పుల కలకలం

Switzerland shooting: ప్రశాంతతకు మారుపేరైన స్విట్జర్లాండ్‌లో ఘోర కలికలం రేగింది. ఒక వినోద కార్యక్రమం (రేవ్ పార్టీ)పై అపరిచిత వ్యక్తి తుపాకీతో విరుచుకుపడటంతో ఒకరు అక్కడికక్కడే ప్రాణాలు కోల్పోగా, మరో ఐదుగురు తీవ్రంగా గాయపడ్డారు.

ఘటన జరిగిన తీరు

ఉత్తర స్విట్జర్లాండ్‌లోని 'ఆరావు' (Aarau) ప్రాంతంలో ఉన్న ఒక రేస్ కోర్సులో ఈ దుర్ఘటన చోటుచేసుకుంది. ఇది రాజధాని జ్యూరిచ్‌కు దాదాపు 46 కిలోమీటర్ల దూరంలో ఉంటుంది. ఒక ఈవెంట్ కంపెనీ శనివారం సాయంత్రం నుంచి ఆదివారం వేకువఝాము వరకు "ఆరావు రేవ్ వాల్యూమ్ 7" పేరిట ఈ రేవ్ పార్టీని నిర్వహించింది. వేకువఝామున 3.00 గంటల సమయంలో సుమారు 3,500 మంది పాల్గొన్న ఈ ఈవెంట్‌లో కాల్పులు జరిగాయి. ఈ ఘటనలో ఒకరు మరణించగా, గాయపడిన ఐదుగురిలో కొందరి పరిస్థితి విషమంగా ఉంది.

Switzerland shooting: పోలీసుల దర్యాప్తు & గన్ కల్చర్‌పై ఆందోళన

కాల్పుల అనంతరం నిందితుడు అక్కడి నుంచి పరారయ్యాడు. సమాచారం అందుకున్న 'అర్గ్వే క్యాంటోనల్' పోలీసులు రంగంలోకి దిగి ఆధారాలు సేకరిస్తూ నిందితుడి కోసం ముమ్మరంగా గాలిస్తున్నారు. ఇటీవల స్విట్జర్లాండ్‌లో పౌరుల వద్ద తుపాకుల సంఖ్య పెరగడం, తద్వారా ఇటువంటి దాడులు తరచుగా వెలుగుచూడటంపై స్థానిక ప్రజల నుంచి తీవ్ర ఆందోళన వ్యక్తమవుతోంది.

నేపాల్‌ను వీడని ప్రళయం: భోటే కోశి నది ఉద్ధృతితో మళ్లీ రెడ్ అలర్ట్!