టీ20 వరల్డ్ కప్ 2026 (T20 WC) లో భాగంగా క్రికెట్ అభిమానుల దృష్టిని ఆకర్షిస్తున్న మరో ఆసక్తికర మ్యాచ్ కొలంబోలో జరగనుంది. శ్రీలంక రాజధాని కొలంబోలోని ప్రసిద్ధ ప్రేమదాస స్టేడియం వేదికగా ఆస్ట్రేలియా, జింబాబ్వే జట్లు తలపడేందుకు సిద్ధమయ్యాయి.

గ్రూప్ దశలో కీలకంగా మారే ఈ మ్యాచ్‌లో టాస్ గెలిచిన ఆస్ట్రేలియా క్రికెట్ జట్టు తొలుత బౌలింగ్ ఎంచుకుంది..ఈ నిర్ణయం ఆటపై ఎలాంటి ప్రభావం చూపుతుందో చూడాలి.

Ishan Kishan half century: ప్రపంచకప్‌లో ఇషాన్ కిషన్ విధ్వంసం

'మేము ముందు బౌలింగ్ చేస్తాం. మాకు కొన్ని ఫిట్‌నెస్ సమస్యలు ఉన్నాయి. గతంలో కూడా ఇలాగే జరిగింది. ఇది మంచి జట్టు. నిన్న రాత్రి బాగా ఆడాము. ఈరోజు బలమైన ప్రదర్శన ఇచ్చేందుకు కృషి చేస్తాం. పరిస్థితులకు తగ్గట్లుగా ఆడాలి. మా రన్‌రేటును మెరుగు పరచుకోవాలని ఆశిస్తున్నాను. స్మిత్ ఇక్కడ లేడు. అతను రెండు రోజుల క్రితం గోల్ఫ్ ఆడాడు. అతను చెన్నైలో ఉన్నాడని అనుకుంటున్నాను. అతను ఉంటే పరిస్థితులు ఇంకాస్త మెరుగ్గా ఉంటాయి. ఇక మా కెప్టెన్ త్వరలోనే ఫిట్‌నెస్ సాధిస్తాడని ఆశిస్తున్నాను. తుది జట్టులో రెండు మార్పులు ఉన్నాయి. కొన్నోలీ, బారెట్ స్థానాల్లో బెన్ డ్వార్షియస్, టిమ్ డేవిడ్ జట్టులోకి వచ్చారు. 'అని ఆసీస్ తాత్కాలిక కెప్టెన్ ట్రావిస్ హెడ్ అన్నాడు.

'మేం టాస్ గెలిస్తే బౌలింగ్ చేసేవాళ్లం. అయినప్పటికి తొలుత బ్యాటింగ్ చేయడం ఏమంత చెడ్డ విషయం కాదు. పిచ్ నెమ్మదిగా ఉండొచ్చు. సూర్యుడు వస్తే బ్యాటింగ్‌కు అనుకూలించవచ్చు. పిచ్ పరిస్థితులను బట్టి మేము ఓ అదనపు స్పిన్నర్‌ను తీసుకున్నాము. మేము పెద్దగా ద్వైపాక్షిక సిరీసులు ఆడడం లేదు. కాబట్టి ఐసీసీ టోర్నమెంట్ మాకు మంచి అవకాశం. మేం ఉత్తమమైన ఆటను ప్రదర్శిస్తాము. తరువాత ఏం జరుగుతుందో చూడాలి. తుది జట్టులో రెండు మార్పులు ఉన్నాయి. దురదృష్టవశాత్తు బ్రెండన్ టేలర్ గాయం కారణంగా జట్టుకు దూరం అయ్యాడు. ముందు జాగ్రత్తగా రిచర్డ్ న్గారవాకు విశ్రాంతి ఇస్తున్నాము. టోనీ మున్యోంగా, గ్రీమ్ క్రీమర్ లు తుది జట్టులోకి వచ్చారు.' అని సికిందర్ రజా అన్నాడు.