తాగునీటి సరఫరాపై ప్రత్యేక దృష్టి సారించాలని, పట్టణాలు, గ్రామీణ ప్రాంతాల్లో నీటి లభ్యతను ఎప్పటికప్పుడు సమీక్షిస్తూ అవసరమైన ఏర్పాట్లు చేయాలని సూచించారు.

వర్షాభావం కారణంగా పశుగ్రాసం కొరత :

వర్షాభావం కారణంగా పశుగ్రాసం కొరత ఏర్పడే అవకాశాలను కూడా ముందుగానే అంచనా వేసి, రైతులు మరియు పశుపోషకులు ఇబ్బందులు ఎదుర్కోకుండా అవసరమైన నిల్వలు సిద్ధం చేయాలని సీఎం స్పష్టం చేశారు. పశువులకు తాగునీరు, మేత అందుబాటులో ఉండేలా సంబంధిత శాఖలు సమన్వయంతో పనిచేయాలని అధికారులను ఆదేశించారు.

మున్సిపాలిటీలు, గ్రామీణ ప్రాంతాల్లో ప్రజలకు సరఫరా చేస్తున్న తాగునీటి నాణ్యతపై ప్రత్యేక శ్రద్ధ వహించాలని సీఎం పేర్కొన్నారు. నీటి నమూనాలను క్రమం తప్పకుండా సేకరించి ప్రయోగశాలల్లో పరీక్షలు నిర్వహించాలని, ఆ పరీక్షల నివేదికలను ప్రజలకు అందుబాటులో ఉంచాలని సూచించారు. కలుషిత నీటి వల్ల వ్యాధులు ప్రబలకుండా ముందస్తు జాగ్రత్తలు తీసుకోవాలని అధికారులకు దిశానిర్దేశం చేశారు.

అంగన్‌వాడీ కేంద్రాల నిర్వహణపై కూడా సీఎం ప్రత్యేకంగా దృష్టి సారించారు. ప్రతి రోజు అంగన్‌వాడీ కేంద్రాలను తనిఖీ చేసి చిన్నారులకు పరిశుభ్రమైన తాగునీరు, పోషకాహారం, సురక్షిత వాతావరణం కల్పించాలని ఆదేశించారు. పిల్లల ఆరోగ్యానికి సంబంధించిన అంశాల్లో ఎలాంటి నిర్లక్ష్యం ఉండకూడదని స్పష్టం చేశారు.

ప్రజల సంక్షేమానికి సంబంధించిన ప్రతి అంశాన్ని అధికారులు అత్యంత ప్రాధాన్యంగా తీసుకోవాలని, వర్షాభావ పరిస్థితులను ఎదుర్కొనేందుకు అన్ని శాఖలు సమన్వయంతో పనిచేయాలని సీఎం చంద్రబాబు నాయుడు సూచించారు. అవసరమైన చోట అత్యవసర చర్యలు చేపట్టి ప్రజలకు ఎలాంటి అసౌకర్యం కలగకుండా చూడాలని అధికారులను ఆదేశించారు.

ఖమ్మం, భద్రాద్రి జిల్లాల్లో అర్ధరాత్రి వరకు వర్షాలు..!