Tadepalli crime: మంగళగిరి నియోజకవర్గం తాడేపల్లిలో అత్యంత విషాదకర ఘటన చోటుచేసుకుంది. ఓ సీనియర్ విద్యార్థి పెట్టిన మానసిక, శారీరక వేధింపులను తట్టుకోలేక ఓ డిగ్రీ విద్యార్థిని శుక్రవారం ఆత్మహత్యకు పాల్పడింది.
ప్రేమ పేరుతో వంచించిన యువకుడు, ఆమె జీవితాన్ని బలితీసుకున్న తీరు స్థానికంగా కలకలం రేపింది.
Read Also:IT Ride : ఐటీ రైడ్లో సీక్రెట్ రూమ్.. రూ.కోట్ల విలువైన బంగారం!
ప్రేమ పేరుతో వంచన.. రహస్య వీడియోలతో బ్లాక్మెయిల్
పల్నాడు జిల్లాకు చెందిన బాధితురాలు తాడేపల్లిలో ఉంటూ డిగ్రీ చదువుతోంది. అదే కాలేజీకి చెందిన ఓ సీనియర్ విద్యార్థి ఆమెను ప్రేమ పేరుతో నమ్మించి శారీరకంగా లొంగదీసుకున్నాడు. ఆ సమయంలో ఆమెకు తెలియకుండా కొన్ని అసభ్య వీడియోలు చిత్రీకరించాడు. అనంతరం ఆ వీడియోలను ఇతర విద్యార్థులకు పంపించడమే కాకుండా, తన కోరిక తీర్చకపోతే సోషల్ మీడియాలో పెడతానని భయపెట్టడం ప్రారంభించాడు.
మనస్తాపంతో ఆత్మహత్య
సదరు యువకుడు 'ఫేస్బుక్'లో వీడియోలు పెడతానంటూ(Blackmail) నిరంతరం వేధిస్తుండటంతో సదరు విద్యార్థిని తీవ్ర మనస్తాపానికి గురైంది. బయట ఎవరికీ చెప్పుకోలేక, ఆ యువకుడి బ్లాక్మెయిలింగ్ను భరించలేక తన గదిలో ఉరివేసుకుని ప్రాణాలు విడిచింది. విషయం తెలుసుకున్న పోలీసులు కేసు నమోదు చేసి దర్యాప్తు ప్రారంభించారు.
Read hindi news: hindi.vaartha.com
Epaper : epaper.vaartha.com