గురువారం ఉదయం కూడా ఇదే ట్రెండ్ కొనసాగింది. ఈ ధరల తగ్గింపు ప్రభావం తెలుగు రాష్ట్రాల్లోని ప్రధాన నగరాలపై స్పష్టంగా కనిపిస్తోంది.

తెలుగు రాష్ట్రాల్లో నేటి బంగారం ధరల వివరాలు

నేడు ఉదయం 6 గంటల సమయానికి లభించిన సమాచారం ప్రకారం, హైదరాబాద్ మరియు విజయవాడ నగరాల్లో 24 క్యారెట్ల స్వచ్ఛమైన బంగారం (10 గ్రాములు) ధర రూ. 1,40,770 గా ఉంది. అలాగే, ఆభరణాల తయారీకి వాడే 22 క్యారెట్ల బంగారం ధర రూ. 1,29,040 వద్ద, 18 క్యారెట్ల బంగారం ధర రూ. 1,05,580 వద్ద కొనసాగుతోంది. ఇదే ధరలు ఆంధ్రప్రదేశ్, తెలంగాణలోని ఇతర ముఖ్య పట్టణాలైన విశాఖపట్నం, వరంగల్, గుంటూరు, నెల్లూరు, తిరుపతి, ఖమ్మం, నిజామాబాద్‌లలోనూ వర్తిస్తున్నాయి.

Today Gold Rate: ఇతర మెట్రో నగరాల్లో పసిడి రేట్లు

దేశంలోని మిగిలిన మెట్రో నగరాలతో పోలిస్తే చెన్నైలో పసిడి ధర అత్యధికంగా రికార్డయింది. అక్కడ 24 క్యారెట్ల 10 గ్రాముల బంగారం ధర రూ. 1,44,560 పలుకుతోంది. ముంబై, కోల్‌కతా, బెంగళూరు నగరాల్లో హైదరాబాద్‌కు సమానంగా ధరలు ఉండగా, దేశ రాజధాని ఢిల్లీలో మాత్రం స్వల్పంగా పెరిగి రూ. 1,40,920 వద్ద ట్రేడ్ అవుతోంది.

ధరలు తగ్గడానికి కారణాలు.. నిపుణుల సూచన

ప్రస్తుతం మార్కెట్‌లో మంచి లాభాలు వస్తుండటంతో వినియోగదారులు తమ వద్ద ఉన్న పాత బంగారు ఆభరణాలను విక్రయించడానికి ఆసక్తి చూపుతున్నారు. ఈ సరఫరా పెరగడం వల్లే ధరలు తగ్గుముఖం పడుతున్నాయని మార్కెట్ విశ్లేషకులు చెబుతున్నారు. అంతర్జాతీయ మార్కెట్ పరిణామాలు, డాలర్‌తో రూపాయి మారకం విలువ, పండుగల సీజన్ డిమాండ్ వంటివి బంగారం ధరలను నిర్దేశిస్తాయి. కాబట్టి, కొనుగోలుదారులు మార్కెట్‌కు వెళ్లే ముందు లైవ్ ధరలను ఒకసారి సరిచూసుకోవడం మంచిది.

రికార్డు స్థాయిలో జీఎస్టీ కలెక్షన్స్.. జూన్ నెలలో రూ.1.94 లక్షల కోట్ల ఆదాయం