తమిళనాడు అసెంబ్లీలో నూతన శకం: స్పీకర్‌గా జేసీడీ ప్రభాకర్ బాధ్యతలు

తమిళనాడు అసెంబ్లీలో రాజకీయ సమీకరణలు వేగంగా మారుతున్నాయి. తమిళగ వెట్రి కళగం (TVK) పార్టీకి చెందిన సీనియర్ నేత జేసీడీ ప్రభాకర్ స్పీకర్‌గా ఏకగ్రీవంగా ఎన్నికయ్యారు.

ఆయనతో పాటు రవిశంకర్ డిప్యూటీ స్పీకర్‌గా బాధ్యతలు స్వీకరించారు. సభను నిష్పక్షపాతంగా నడిపిస్తామని, ప్రజా సమస్యలపై చర్చకు పెద్దపీట వేస్తామని ఈ సందర్భంగా వారు ప్రకటించారు.

Tamilnadu New Speaker

Tamilnadu New Speaker: సభానాయకుడిగా సెంగోటియన్.. విపక్ష నేతగా ఉదయనిధి

అసెంబ్లీలో అధికార పక్షం తరఫున సీనియర్ నాయకుడు సెంగోటియన్ సభానాయకుడిగా బాధ్యతలు చేపట్టారు. మరోవైపు, ప్రధాన ప్రతిపక్షమైన డీఎంకే (DMK) తరఫున ఉదయనిధి స్టాలిన్ విపక్ష నేతగా బాధ్యతలు స్వీకరించారు. యువ నాయకుడైన ఉదయనిధి విపక్ష నేతగా బాధ్యతలు తీసుకోవడం తమిళ రాజకీయాల్లో ఆసక్తికర పరిణామంగా మారింది. ప్రభుత్వం తీసుకునే ప్రతి నిర్ణయాన్ని ప్రజాపక్షాన నిలదీస్తామని ఆయన స్పష్టం చేశారు. TVK ప్రభుత్వం మెజారిటీని నిరూపించుకోవడానికి రేపటితో గడువు ముగియనుంది. అసెంబ్లీలో జరగనున్న ఈ బలపరీక్షపై దేశవ్యాప్తంగా ఉత్కంఠ నెలకొంది. గవర్నర్ సూచించిన సంఖ్యాబలాన్ని TVK నిరూపించుకోగలిగితే, ప్రభుత్వం సుస్థిరంగా కొనసాగుతుంది. లేనిపక్షంలో తమిళనాడులో మళ్లీ రాజకీయ అనిశ్చితి ఏర్పడే అవకాశం ఉంది. విజయ్ నేతృత్వంలోని TVK పార్టీ అధికారంలోకి రావడం మరియు అసెంబ్లీ కీలక పదవులను దక్కించుకోవడం తమిళనాడు ద్రవిడ రాజకీయాల్లో ఒక పెద్ద మార్పుగా నిపుణులు అభివర్ణిస్తున్నారు. అన్నాడీఎంకే (AIADMK) సీనియర్లను, డీఎంకే బలాన్ని తట్టుకుని నిలబడటం ఈ ప్రభుత్వానికి పెద్ద సవాలు కానుంది.