ఈ భారీ ఓటింగ్ శాతం ఎవరికి అనుకూలం? ఎవరికి ప్రతికూలం? అనే చర్చ సాగుతుండగా, తమిళగ వెట్రి కళగం (TVK) అధినేత విజయ్ ట్వీట్ చేసారు..

Read Also:Indian Railways: భారతీయ రైల్వే వేసవి ప్రత్యేక ప్రణాళిక: 18 వేల స్పెషల్ రైళ్లు

“భ్రమపూరిత లెక్కలు బద్దలయ్యాయి”: విజయ్

రాజకీయాలు అంటే కేవలం అనుభవం ఉన్నవారికి, పదవులు అనుభవించేవారికే పరిమితమని భావించే వారి భ్రమలను సామాన్య ప్రజలు చిత్తు చేశారని విజయ్ పేర్కొన్నారు. “రాజకీయాలను నిర్దిష్ట సరిహద్దుల్లో బంధించి నియంత్రించే వారి లెక్కలు సామాన్యుల చేత బద్దలయ్యాయి, చితకబాదబడ్డాయి” అని ఆయన ఘాటుగా వ్యాఖ్యానించారు. యువత, మహిళలు రాజకీయాల గురించి మాట్లాడటం ప్రారంభించడమే అసలైన అద్భుతమని ఆయన అభివర్ణించారు.

Vijay TVK Tweet: ప్రజాస్వామ్య పండుగ: విదేశాల నుండి వచ్చి మరీ ఓటు!

ఎన్నికలను కేవలం ఒక ప్రక్రియగా కాకుండా ఒక పండుగలా ప్రజలు జరుపుకున్నారని విజయ్ ఆనందం వ్యక్తం చేశారు. దేవాలయాల వద్ద కనిపించే జనసమూహంలా పోలింగ్ కేంద్రాల వద్ద కుటుంబాలతో సహా ప్రజలు రావడం చూసి ఆశ్చర్యం కలిగిందన్నారు. ముఖ్యంగా ఇతర రాష్ట్రాల నుండి, విదేశాల నుండి వేల రూపాయలు ఖర్చు చేసి కేవలం ఓటు వేయడానికి వచ్చిన వారిని విజయ్ ప్రత్యేకంగా అభినందించారు.