CM Vijay: తమిళనాడు ముఖ్యమంత్రిగా విజయ్ బాధ్యతలు చేపట్టిన కేవలం మూడు రోజుల్లోనే రాష్ట్ర రాజకీయ చిత్రం పూర్తిగా మారిపోయింది. రేపు (మే 13) జరగనున్న అసెంబ్లీ బలపరీక్షకు ముందే ప్రతిపక్ష అన్నాడీఎంకేలో భారీ చీలిక రావడం, విజయ్ తన అధికారాన్ని సుస్థిరం చేసుకోవడంలో కీలకమైంది.

Read Also:Sanatana Dharma: సనాతన ధర్మంపై తగ్గేదే లేదన్న ఉదయనిధి

CM Vijay: సీవీ షణ్ముగం నేతృత్వంలో 30 మంది ఎమ్మెల్యేల మద్దతు

ప్రభుత్వ ఏర్పాటు సమయంలో మ్యాజిక్ ఫిగర్ (118)కు స్వల్ప దూరంలో నిలిచిన తమిళగ వెట్రి కళగం (TVK), ఇప్పుడు ఇతర పార్టీల మద్దతుతో ధీమాగా ఉంది. ముఖ్యంగా అన్నాడీఎంకే నుంచి అనూహ్యంగా మద్దతు లభించడం విజయ్ వ్యూహరచనకు నిదర్శనం.

CM Vijay, CV Shanmugam

అన్నాడీఎంకే సీనియర్ నేత సీవీ షణ్ముగం నాయకత్వంలో సుమారు 30 మంది ఎమ్మెల్యేలు విజయ్ ప్రభుత్వానికి మద్దతు ప్రకటించడం రాష్ట్ర రాజకీయాల్లో ప్రకంపనలు సృష్టించింది. స్వయంగా విజయ్, షణ్ముగం నివాసానికి వెళ్లి వేలుమణి సహా ఇతర కీలక నేతలతో భేటీ అవ్వడం ప్రాధాన్యత సంతరించుకుంది. ఈ సమావేశంలో రాబోయే మంత్రివర్గ విస్తరణ మరియు భవిష్యత్తు రాజకీయ ప్రణాళికలపై చర్చలు జరిగినట్లు తెలుస్తోంది.