ములుగు జిల్లాలో ముఖ్యమంత్రి రేవంత్ రెడ్డి ఈ తొలి దశ రహదారి పనులకు శంకుస్థాపన చేశారు. రాష్ట్రంలో మొత్తం 12,848 గ్రామాలు ఉండగా ఇప్పటివరకు 12,514 గ్రామాలకు మాత్రమే రోడ్డు సౌకర్యం ఉంది. ఇంకా పూర్తిస్థాయి కనెక్టివిటీ లేని 334 గ్రామాలకు రోడ్డు సౌకర్యం కల్పించడంపై ప్రభుత్వం ప్రత్యేకంగా దృష్టి సారించింది. వర్షాకాలంలో మట్టి రోడ్లు మరియు కంకర రోడ్ల వలన ప్రజలు పడుతున్న ఇబ్బందులను తొలగించడమే ఈ ప్రాజెక్ట్ ముఖ్య ఉద్దేశం. ఇప్పటివరకు ప్రధానమంత్రి గ్రామీణ సడక్ యోజన మరియు ఉపాధి హామీ పథకాల ద్వారా రోడ్లు వేసినప్పటికీ ఇంకా కొన్ని ప్రాంతాలలో అంతరం కొనసాగుతోంది. ఈ ఆధునిక విధానం ద్వారా గ్రామీణ ప్రాంతాల రూపురేఖలు పూర్తిగా మారనున్నాయి మరియు ప్రయాణం సులభం కానుంది. వ్యవసాయ ఉత్పత్తులను నేరుగా మార్కెట్లకు తరలించడానికి మరియు విద్య, వైద్య సదుపాయాలకు ప్రజలు త్వరగా చేరుకోవడానికి ఈ రోడ్లు ఎంతగానో ఉపయోగపడతాయి. రవాణా సౌకర్యాలు మెరుగుపడటం వలన గ్రామీణ ఆర్థిక వ్యవస్థ మరింత బలపడుతుందని అందరూ భావిస్తున్నారు.

Read also: Indiramma Houses: కూకట్‌పల్లిలో అత్యధికంగా ఇందిరమ్మ ఇళ్ల దరఖాస్తులు

New art for Telangana rural roads

మూడు దశల్లో భారీ రోడ్ల నిర్మాణం

రాష్ట్రవ్యాప్తంగా మూడు దశల్లో మొత్తం 18,472 కిలోమీటర్ల రహదారులను నిర్మించాలని మరియు అభివృద్ధి చేయాలని ప్రభుత్వం ప్రణాళిక సిద్ధం చేసింది. ఇందులో భాగంగా మొదటి దశలో 2,145 రహదారులకు సంబంధించిన 7,448 కిలోమీటర్ల పనులను అత్యంత వేగంగా చేపట్టనున్నారు. ఈ మొదటి దశ పూర్తి అయిన వెంటనే గ్రామీణ రవాణా రంగంలో ఊహించని మార్పులు రావడం ఖాయం అని నిపుణులు చెబుతున్నారు. మొదటి దశలో దాదాపు 176 గ్రామపంచాయతీలకు చరిత్రలో తొలిసారిగా సరికొత్త బీటీ రోడ్ల సౌకర్యం అందనుంది. దీనికోసం సుమారు 934 కిలోమీటర్ల మేర సరికొత్త తారు రోడ్లను నిర్మించి ప్రధాన రహదారితో అనుసంధానం చేస్తారు. ఇప్పటికే అందుబాటులో ఉన్న పాత బీటీ రోడ్లలో దాదాపు 5,490 కిలోమీటర్ల మేర మరమ్మతులు మరియు ఆధునీకీకరణ పనులు చేపట్టనున్నారు. రద్దీ ఎక్కువగా ఉన్న సింగిల్ లేన్ రోడ్లను గుర్తించి 1,024 కిలోమీటర్ల మేర ఇంటర్మీడియట్ లేన్ రోడ్లుగా విస్తరించనున్నారు. ఈ విస్తరణ పనుల కారణంగా వాహనాల రాకపోకలు సులభం కావడంతో పాటు రోడ్డు ప్రమాగాలు తగ్గే అవకాశం ఉంది. మొత్తంగా చూస్తే ఈ తొలి దశ పనుల ద్వారా నేరుగా 3,036 గ్రామపంచాయతీలకు అద్భుతమైన ప్రయోజనం చేకూరనుంది. ప్రతి గ్రామానికి పక్కా రోడ్డు ఉండాలనే లక్ష్యంతో ప్రభుత్వం ముందుకు వెళ్తుండటం పట్ల ప్రజలు హర్షం వ్యక్తం చేస్తున్నారు.

Telangana Roads:రవాణా రంగంలో విప్లవాత్మక మార్పులు

గ్రామీణ ప్రాంతాల్లో మెరుగైన రహదారి వ్యవస్థ ఏర్పడినట్లయితే ప్రజల జీవన ప్రమాణాలు మెరుగుపడటంతో పాటు ఉపాధి అవకాశాలు కూడా పెరుగుతాయి. ఇప్పటివరకు సరైన రోడ్డు లేక అష్టకష్టాలు పడిన మారుమూల తండాలు మరియు గూడేలకు కూడా త్వరలోనే మోక్షం లభించనుంది. ప్రభుత్వం ప్రతిష్టాత్మకంగా చేపట్టిన ఈ హ్యామ్ విధానం ద్వారా నాణ్యమైన రోడ్ల నిర్మాణం జరగడమే కాకుండా వాటి నిర్వహణ బాధ్యత కూడా పక్కాగా ఉంటుంది. విద్యార్థులు పాఠశాలలకు మరియు కాలేజీలకు వెళ్లడానికి ఎలాంటి రవాణా ఇబ్బందులు ఎదురుకాకుండా ఈ రోడ్లు అండగా నిలుస్తాయి. అత్యవసర సమయాల్లో వైద్య సహాయం కోసం ఆసుపత్రులకు వెళ్లే రోగులకు ప్రయాణ సమయం చాలా వరకు తగ్గుతుంది. వ్యవసాయ రంగంలో పనిచేసే రైతులు తమ పండించిన పంటలను ఎలాంటి ఆలస్యం లేకుండా నేరుగా మార్కెట్లకు తరలించి మంచి ధర పొందవచ్చు. ఈ ప్రాజెక్ట్ సకాలంలో పూర్తి అయితే తెలంగాణ రాష్ట్రంలోని పల్లెసీమలు పట్టణాలతో సమానంగా అభివృద్ధి చెందుతాయి. ప్రజల చిరకాల వాంఛ అయిన రోడ్డు కల త్వరలోనే నిజం కానుండటంతో గ్రామీణ ప్రాంతాల ప్రజలు ఎంతగానో ఆనందం వ్యక్తం చేస్తున్నారు. ప్రభుత్వం చేపడుతున్న ఈ సంక్షేమ మరియు అభివృద్ధి కార్యక్రమాలు రాష్ట్ర భవిష్యత్తును పూర్తిగా మార్చేస్తాయడంలో ఎలాంటి సందేహం లేదు.

Epaper: epaper.vaartha.com

తెలంగాణ ఎక్సైజ్ శాఖ సంచలన గణాంకాలు