500 బోనస్ అందించేందుకు కేబినెట్ ఆమోదం తెలిపి, తాజాగా అధికారిక విధివిధానాలను విడుదల చేసింది. రైతుల ఆదాయాన్ని పెంచడమే లక్ష్యంగా ప్రభుత్వం ఈ నిర్ణయం తీసుకుంది.

కేవలం 7 రకాలకే వర్తించనున్న బోనస్

రాష్ట్రవ్యాప్తంగా సాగయ్యే అన్ని సన్న రకాలకు కాకుండా, ప్రభుత్వం ప్రత్యేకంగా గుర్తించిన ఏడు రకాల సన్న వరిని సాగు చేసిన రైతులకు మాత్రమే ఈ బోనస్ లభించనుంది. మార్కెట్లో మంచి డిమాండ్ ఉండి, రైతుల ఆదాయాన్ని పెంచే రకాలను వ్యవసాయ యూనివర్సిటీ సిఫారసుల మేరకు ప్రభుత్వం ఎంపిక చేసింది.

ఈ జాబితాలోని 7 రకాలు:

• బీపీటీ 5204 (BPT 5204)
• ఆర్‌ఎన్ఆర్ 15048 (RNR 15048)
• హెచ్ఎంటీ సోనా (HMT Sona)
• జైశ్రీరామ్ (Jai Sriram)
• కేఎన్ఎం 1638 (KNM 1638)
• డబ్ల్యూజీఎల్ 44 (WGL 44)
• కేఎన్ఎం 7715 (KNM 7715)

Telangana: లబ్దిదారుల ఎంపిక విధానం – ఈ-క్రాప్ నమోదు తప్పనిసరి

ఈ బోనస్ పథకానికి అర్హులైన రైతులను ‘ఈ-క్రాప్’ (E-Crop) ఆధారంగా ఎంపిక చేయనున్నారు. రైతులు తమ పంట వివరాలను నెల రోజుల్లోగా క్రాప్ బుకింగ్ పోర్టల్‌లో విధిగా నమోదు చేసుకోవాల్సి ఉంటుంది. ఈ ఆన్‌లైన్ నమోదు ప్రక్రియ ఆధారంగానే అర్హులైన రైతులకు నేరుగా బోనస్ జమ కానుంది.

సాగు విస్తీర్ణం మరియు భవిష్యత్ అంచనాలు

గత సీజన్లలో రాష్ట్రంలో వరి సాగు విస్తీర్ణం గణనీయంగా నమోదైంది. గత ఏడాది మొత్తం వరి సాగులో దాదాపు 62 శాతం మేర సన్న రకాలే సాగయ్యాయి. ముఖ్యంగా ఈ 7 ప్రత్యేక రకాలను పెద్ద ఎత్తున రైతులు పండిస్తున్నట్లు ప్రభుత్వ గణాంకాలు స్పష్టం చేస్తున్నాయి. ప్రస్తుత కేబినెట్ నిర్ణయం వల్ల భవిష్యత్‌లో సన్న బియ్యం సాగు మరింత పెరుగుతుందని, కేంద్ర ప్రభుత్వ సేకరణలోనూ వీటికి మంచి ప్రాధాన్యత లభిస్తుందని ప్రభుత్వం ఆశిస్తోంది.

శ్రావణమాసం ఎఫెక్ట్.. భారీగా తగ్గిన చికెన్ ధరలు