అయితే ఈ సంఖ్యలో ఇప్పటికే తొలగింపుకు గుర్తించిన పేర్లతో పాటు, ఇంకా పరిశీలనలో ఉన్న దరఖాస్తులు కూడా ఉన్నట్లు సమాచారం.

మరణించిన వారు, ఇతర ప్రాంతాలకు శాశ్వతంగా మారిన వారు :

ఎస్‌ఐఆర్‌లో భాగంగా బూత్ లెవల్ అధికారులు (బీఎల్‌వోలు) ఇంటింటికి వెళ్లి ఓటర్ల వివరాలను సేకరించారు. మరణించిన వారు, ఇతర ప్రాంతాలకు శాశ్వతంగా మారిన వారు, డూప్లికేట్ నమోదులు, చిరునామా లేని లేదా గుర్తించలేని ఓటర్ల పేర్లను గుర్తించి జాబితా నుంచి తొలగించే ప్రక్రియ కొనసాగుతోంది. అలాగే ఎన్యుమరేషన్ ఫారాలు సమర్పించని ఓటర్ల పేర్లు కూడా ముసాయిదా జాబితాలో లేకపోవచ్చని ఎన్నికల అధికారులు ఇప్పటికే స్పష్టం చేశారు.

ఇటీవలి సమాచారం ప్రకారం, సుమారు 48 లక్షల పేర్లు తొలగింపుకు గుర్తించగా, మరో 29 లక్షల దరఖాస్తులు, సవరణలు లేదా అభ్యంతరాలు ఇంకా పరిశీలనలో ఉన్నాయి. అందువల్ల 60 లక్షల ఓట్లు పూర్తిగా రద్దయ్యాయి అనే వాదన కంటే, అంతమంది ఓటర్ల వివరాలు పరిశీలన లేదా తొలగింపు ప్రక్రియలో ఉన్నాయని చెప్పడం సరైనది. తుది నిర్ణయం మాత్రం అభ్యంతరాల పరిశీలన అనంతరం తీసుకోనున్నారు.

ముసాయిదా ఓటరు జాబితా విడుదలైన తర్వాత తమ పేరు లేకపోతే ఓటర్లు అభ్యంతరాలు లేదా కొత్త దరఖాస్తులు సమర్పించే అవకాశం ఉంటుంది. అన్ని క్లెయిమ్‌లు, అభ్యంతరాల పరిష్కారం అనంతరం మాత్రమే తుది ఓటరు జాబితా విడుదల చేయబడుతుంది. అందువల్ల ఓటర్లు తమ పేరు జాబితాలో ఉందో లేదో తప్పనిసరిగా పరిశీలించుకోవాలని ఎన్నికల అధికారులు సూచిస్తున్నారు.

ఆస్ట్రేలియాలో ఐపీఎల్ మ్యాచ్‌లు..? క్రికెట్ ఆస్ట్రేలియా ప్రతినిధి ఆసక్తికర వ్యాఖ్యలు..!