Weather Alert: తెలుగు రాష్ట్రాల్లో ఎండల తీవ్రతతో అల్లాడుతున్న ప్రజలకు వాతావరణ శాఖ చల్లని కబురు చెప్పింది. గత కొద్దిరోజులుగా రికార్డు స్థాయి ఉష్ణోగ్రతలతో ఇబ్బందులు పడుతున్న తరుణంలో, ద్రోణి ప్రభావంతో రాబోయే మూడు రోజుల పాటు అక్కడక్కడ వర్షాలు కురిసే అవకాశం ఉందని వాతావరణ కేంద్రం వెల్లడించింది.

Read also: Markapuram rains: మార్కాపురంలో వర్ష బీభత్సం.. బోడపాడులో ముగ్గురు మృతి

ఏపీలో వర్ష సూచన

Rains for three days in Telugu states..

ఆంధ్రప్రదేశ్‌లో రాబోయే మూడు రోజుల పాటు వాతావరణంలో మార్పులు చోటుచేసుకోనున్నాయి. రాష్ట్రంలోని పలు ప్రాంతాల్లో తేలికపాటి నుండి మోస్తరు వర్షాలు కురిసే అవకాశం ఉంది. వర్షంతో పాటు ఉరుములు, మెరుపులతో కూడిన జల్లులు పడతాయని, గంటకు 30 నుండి 40 కిలోమీటర్ల వేగంతో ఈదురు గాలులు వీచే అవకాశం ఉందని అధికారులు తెలిపారు.

Weather Alert: తెలంగాణలోనూ ఇదే పరిస్థితి

తెలంగాణ రాష్ట్రవ్యాప్తంగా కూడా వాతావరణం ఇలాగే ఉండనుంది. గత కొన్ని రోజులుగా పగటి ఉష్ణోగ్రతలు 40 డిగ్రీలకు పైగా నమోదవుతుండటంతో జనం ఉక్కిరిబిక్కిరి అవుతున్నారు. తాజా ద్రోణి ప్రభావంతో రాష్ట్రంలో అక్కడక్కడ జల్లులు పడి వాతావరణం కాస్త చల్లబడే అవకాశం ఉంది.

ఉష్ణోగ్రతలపై వాతావరణ శాఖ వివరణ

వర్షాలు కురిసినప్పటికీ, పగటి గరిష్ట ఉష్ణోగ్రతల్లో మాత్రం రాబోయే వారం రోజుల్లో పెద్దగా మార్పు ఉండబోదని వాతావరణ శాఖ స్పష్టం చేసింది. అంటే, వర్షం పడిన సమయంలో కాస్త ఉపశమనం లభించినా, ఆ తర్వాత ఎండల తీవ్రత యధావిధిగా కొనసాగే అవకాశం ఉందని అంచనా వేస్తున్నారు.