తెలంగాణ రాష్ట్రం జగిత్యాల జిల్లాలోని పోరండ్ల ప్రాంతం సమీపంలో భయానక రోడ్డు ప్రమాదం చోటుచేసుకుంది. మద్యం మత్తులో అతివేగంగా వెళ్తున్న ఒక కారు అదుపుతప్పి విద్యుత్ స్తంభాన్ని, అనంతరం రోడ్డుపై ఉన్న డివైడర్ను బలంగా ఢీకొట్టింది.
ప్రమాద తీవ్రత ఎక్కువగా ఉండటంతో కారు పూర్తిగా ధ్వంసమైంది.
Read also: Yadadri Bhuvanagiri: ధరణి కుంభకోణం సూత్రధారి బస్వరాజు!
horrific road accident in Jagtial
ఇద్దరు యువకులు అక్కడికక్కడే మృతి
ఈ ప్రమాదంలో నవనీత్, సాయితేజ అనే ఇద్దరు యువకులు అక్కడికక్కడే మృతిచెందారు. కారులో ఉన్న మరో యువకుడు సృజన్కు తీవ్ర గాయాలు అయ్యాయి. ప్రమాదం జరిగిన వెంటనే స్థానికులు పోలీసులకు సమాచారం అందించారు. ఘటనా స్థలానికి చేరుకున్న పోలీసులు గాయపడిన సృజన్ను వెంటనే ఆస్పత్రికి తరలించారు.
కేసు నమోదు చేసి దర్యాప్తు ప్రారంభం
మృతదేహాలను పోస్టుమార్టం నిమిత్తం ప్రభుత్వాస్పత్రికి తరలించినట్లు పోలీసులు తెలిపారు. ఈ ఘటనపై కేసు నమోదు చేసి, ప్రమాదానికి కారణాలపై దర్యాప్తు చేపట్టారు. మద్యం సేవించి వాహనం నడపడం ఎంత ప్రమాదకరమో మరోసారి ఈ ఘటన నిరూపించిందని అధికారులు హెచ్చరిస్తున్నారు.
Read hindi news: hindi.vaartha.com
Epaper: epaper.vaartha.com