తెలంగాణ రాష్ట్ర రోడ్డు రవాణా సంస్థ (TGSRTC)లో ఖాళీగా ఉన్న 198 ట్రైనీ పోస్టుల భర్తీకి దరఖాస్తుల ప్రక్రియ కొనసాగుతోంది. ఈ ఉద్యోగాలకు అప్లై చేసుకునేందుకు రేపే ఆఖరి తేదీ కావడంతో అర్హత ఉన్న అభ్యర్థులు ఆలస్యం చేయకుండా దరఖాస్తు చేయాలి.
ఈ నోటిఫికేషన్ ద్వారా వివిధ విభాగాల్లో ఉద్యోగాలు భర్తీ చేయనున్నారు. విద్యార్హత కలిగిన యువతకు ఇది ప్రభుత్వ రంగంలో ఉద్యోగం సాధించే మంచి అవకాశం.
పోస్టుల వారీగా ఖాళీల వివరాలు
TGSRTC విడుదల చేసిన ప్రకటన ప్రకారం పోస్టుల విభజన ఇలా ఉంది:
- ట్రాఫిక్ సూపర్వైజర్ ట్రైనీ - 84 పోస్టులు
- మెకానికల్ సూపర్వైజర్ ట్రైనీ - 114 పోస్టులు
ఈ పోస్టులకు సంబంధిత విభాగాల్లో విద్యార్హత ఉండాలి.
అర్హతలు & వయో పరిమితి
ఈ ఉద్యోగాలకు(TGSRTC) అప్లై చేయాలంటే అభ్యర్థులు డిగ్రీ, డిప్లొమా, BE లేదా BTech పూర్తి చేసి ఉండాలి. వయో పరిమితి 18 నుంచి 25 సంవత్సరాలుగా నిర్ణయించారు. ప్రభుత్వ నియమావళి ప్రకారం SC, ST, BC, ఇతర రిజర్వేషన్ కేటగిరీల అభ్యర్థులకు వయో సడలింపు వర్తిస్తుంది.
ఎంపిక విధానం ఎలా ఉంటుంది?
అభ్యర్థుల ఎంపికను రెండు దశల్లో నిర్వహిస్తారు:
- రాత పరీక్ష
- మెడికల్ పరీక్ష
రాత పరీక్షలో ఉత్తీర్ణులైన వారిని మెడికల్ టెస్ట్కు పిలుస్తారు. రెండు దశల్లో అర్హత సాధించిన వారిని తుది ఎంపిక చేస్తారు.
అప్లికేషన్ విధానం & వెబ్సైట్
అర్హులైన అభ్యర్థులు ఆన్లైన్ విధానంలోనే దరఖాస్తు చేసుకోవాలి.
దరఖాస్తు చేసుకునేందుకు అధికారిక వెబ్సైట్ www.tgprb.in అప్లై చేసే ముందు నోటిఫికేషన్ను పూర్తిగా చదివి, అవసరమైన డాక్యుమెంట్లను సిద్ధం చేసుకోవాలని సూచిస్తున్నారు.
Read hindi news: hindi.vaartha.com
Epaper: epaper.vaartha.com