TTD Navaratri Brahmotsavam: తిరుమలలో జరిగే నవరాత్రి బ్రహ్మోత్సవాలకు ఆధ్యాత్మికంగా ఎంతో ప్రాముఖ్యత ఉంది. దేవీ శరన్నవరాత్రుల సమయంలో నిర్వహించే ఈ ఉత్సవాల్లో శ్రీదేవి, భూదేవి సమేత మలయప్పస్వామి వివిధ వాహనాలపై తిరుమాడ వీధుల్లో ఊరేగుతూ భక్తులకు దర్శనమిస్తారు.
స్వామివారి వాహన సేవలను తిలకించేందుకు దేశం నలుమూలల నుంచి భక్తులు తిరుమలకు తరలివస్తారు.
Indrakeeladri Temple: ఇంద్రకీలాద్రిపై రెండో రోజు గాయత్రీ దేవిగా దర్శనమిస్తున్న అమ్మవారు
బ్రహ్మోత్సవాలు అనే పేరు ఎలా వచ్చింది?
పురాణాల ప్రకారం, లోకకల్యాణం కోసం సృష్టికర్త బ్రహ్మదేవుడు తొలిసారిగా శ్రీ వేంకటేశ్వరస్వామికి ఉత్సవాలను నిర్వహించినట్లు చెబుతారు. బ్రహ్మదేవుడే ఈ ఉత్సవాలను ప్రారంభించాడనే విశ్వాసంతో వీటికి 'బ్రహ్మోత్సవాలు' అనే పేరు వచ్చిందని పురాణ గాథలు వివరిస్తాయి.
వాహన సేవల్లో మలయప్పస్వామి దర్శనం
నవరాత్రి బ్రహ్మోత్సవాల సమయంలో శ్రీదేవి, భూదేవి సమేతంగా మలయప్పస్వామి వివిధ వాహనాలపై తిరుమాడ వీధుల్లో విహరిస్తారు. ప్రతి వాహన సేవకు ప్రత్యేక ఆధ్యాత్మిక ప్రాధాన్యం ఉందని భక్తులు విశ్వసిస్తారు. స్వామివారి దర్శనం వల్ల పాపాలు తొలగి, జ్ఞానం, శుభం కలుగుతాయని భక్తుల నమ్మకం.
TTD Navaratri Brahmotsavam: పల్లవుల కాలం నుంచే చారిత్రక ఆధారాలు
తిరుమలలో బ్రహ్మోత్సవాల నిర్వహణకు సంబంధించి 10వ శతాబ్దం నాటి పల్లవుల కాలం నుంచి చారిత్రక ఆధారాలు ఉన్నట్లు పేర్కొంటారు. పురాణ సంప్రదాయాలు, ఆలయ ఆచారాలు, చారిత్రక నేపథ్యం కలగలిసి ఈ ఉత్సవాలకు ప్రత్యేక గుర్తింపును తీసుకొచ్చాయి. భక్తి, సంప్రదాయం, ఆధ్యాత్మికతకు ప్రతీకగా నిలిచే తిరుమల నవరాత్రి బ్రహ్మోత్సవాలు శ్రీవారి భక్తులకు అత్యంత ముఖ్యమైన పర్వదినాలుగా కొనసాగుతున్నాయి.