ఎలాంటి ప్రత్యేక లేదా శీఘ్ర దర్శన టోకెన్లు లేకుండా సాధారణ (సర్వదర్శనం) మార్గంలో స్వామివారిని దర్శించుకునేందుకు వచ్చే భక్తులకు సుమారు 18 గంటల సమయం పడుతున్నట్లు తిరుమల తిరుపతి దేవస్థానం (టీటీడీ) అధికారులు వెల్లడించారు.

నిన్న ఒక్కరోజే 78 వేలకు పైగా భక్తుల స్వామివారి దర్శనం

తిరుమలలో శ్రీవారిని దర్శించుకునేందుకు భక్తులు పోటెత్తుతున్నారు. తాజాగా నిన్న ఒక్కరోజే రాష్ట్ర నలుమూలల నుంచే కాకుండా దేశ విదేశాల నుంచి తరలివచ్చిన 78,026 మంది భక్తులు స్వామివారిని దర్శించుకుని మొక్కులు చెల్లించుకున్నారు. భక్తుల రద్దీ ఎక్కువగా ఉండటంతో ఆలయ అధికారులు అందుకు తగినట్లుగా ఏర్పాట్లు చేస్తూ భక్తులకు అసౌకర్యం కలగకుండా చర్యలు తీసుకుంటున్నారు.

Tirumala: భారీగా తలనీలాలు సమర్పణ: రూ. 5.12 కోట్లకు చేరిన హుండీ ఆదాయం

శ్రీవారిని దర్శించుకున్న భక్తులలో భారీ సంఖ్యలో భక్తులు తమ మొక్కులను తీర్చుకున్నారు. నిన్న ఒక్కరోజే 31,116 మంది భక్తులు తలనీలాలు సమర్పించి స్వామివారిపై తమ భక్తిభావాన్ని చాటుకున్నారు. అదేవిధంగా, భక్తులు సమర్పించిన కానుకల ద్వారా తిరుమల శ్రీవారి హుండీ ఆదాయం రూ. 5.12 కోట్లుగా నమోదైనట్లు టీటీడీ అధికారులు తెలిపారు.

Epaper: epaper.vaartha.com