తాజాగా ఈ చిత్రానికి ‘అది నా పిల్లరా’ అనే ఆసక్తికరమైన టైటిల్‌ను ఖరారు చేశారు. టైటిల్ వినగానే ప్రేక్షకుల్లో ఆసక్తి పెంచేలా ఉండటంతో ఈ ప్రాజెక్ట్‌పై మంచి బజ్ ఏర్పడుతోంది.

వరుస విజయాలతో గుర్తింపు :

నిర్మాత ఎస్.కె.ఎన్ వరుస విజయాలతో టాలీవుడ్‌లో తనకంటూ ప్రత్యేక గుర్తింపు తెచ్చుకున్నారు. ఇటీవల విడుదలైన ‘చెన్నై లవ్ స్టోరీ’ మంచి విజయాన్ని అందుకుని ప్రేక్షకులను ఆకట్టుకుంది. అంతకుముందు కూడా యువతను ఆకట్టుకునే కథలతో సినిమాలు నిర్మిస్తూ విజయవంతమైన నిర్మాతగా పేరు సంపాదించారు. ఇప్పుడు మరోసారి కొత్త కథ, కొత్త దర్శకుడితో ప్రేక్షకుల ముందుకు రావడానికి సిద్ధమవుతున్నారు.

హీరో తిరువీర్ కూడా విభిన్న కథలను ఎంచుకుంటూ తనకంటూ ప్రత్యేక గుర్తింపు సంపాదించుకున్నారు. ‘మసూద’, ‘పరేషాన్’ వంటి చిత్రాల్లో సహజమైన నటనతో ప్రేక్షకులను మెప్పించిన ఆయన, ఇటీవల వచ్చిన ప్రీ వెడ్డింగ్ ఫోటో షూట్ సినిమాతో మరో విజయాన్ని తన ఖాతాలో వేసుకున్నారు. కథకు ప్రాధాన్యం ఉన్న పాత్రలను ఎంపిక చేసుకుంటూ కెరీర్‌ను ముందుకు తీసుకెళ్తున్నారు.

ఇక హీరోయిన్ ఆషికా రంగనాథ్ తెలుగు ప్రేక్షకులకు ‘అమిగోస్’, ‘నా సామిరంగా’ చిత్రాలతో పరిచయమయ్యారు. రవితేజతో భర్త మహాశయులకు విజ్ఞప్తి సినిమా చేసి మెప్పించింది. గ్లామర్‌తో పాటు నటనకూ ప్రాధాన్యం ఉన్న పాత్రల్లో మెప్పించిన ఆమె, ఇప్పుడు తిరువీర్ సరసన నటించడం ఆసక్తిని రేకెత్తిస్తోంది.

కొత్త దర్శకుడు కృష్ణ ఈ చిత్రాన్ని వినోదంతో పాటు భావోద్వేగాలు కలగలిపిన కథగా రూపొందిస్తున్నట్లు సమాచారం. ఆకట్టుకునే టైటిల్, విజయవంతమైన నిర్మాత, ప్రతిభావంతులైన నటీనటులతో రూపొందుతున్న ‘అది నా పిల్లరా’ సినిమా ప్రేక్షకుల్లో ఇప్పటికే మంచి అంచనాలు నెలకొల్పింది. త్వరలోనే ఈ చిత్రానికి సంబంధించిన మరిన్ని వివరాలు వెల్లడయ్యే అవకాశం ఉంది.

రెండు భాగాలుగా అల్లు అర్జున్ 'రాకా'..?