వైట్ హౌస్ కరస్పాండెంట్స్ డిన్నర్ సందర్భంగా డొనాల్డ్ ట్రంప్‌పై జరిగిన హత్యాయత్నానికి సంబంధించిన సంచలన వీడియోను అమెరికా న్యాయశాఖ విడుదల చేసింది.

ఈ వీడియో ఆధారంగా నిందితుడు ఎంత పక్కా ప్రణాళికతో దాడికి పాల్పడ్డాడో స్పష్టమవుతోంది. విడుదలైన ఫుటేజీ ప్రకారం, నిందితుడైన 31 ఏళ్ల కోల్ టోమాస్ అలెన్, దాడికి ఒక రోజు ముందుగానే వాషింగ్టన్ హిల్టన్ హోటల్ పరిసరాలను క్షుణ్ణంగా పరిశీలించాడు (రెక్కీ నిర్వహించాడు). సెక్యూరిటీ చెక్‌పాయింట్లను ఎలా దాటాలో ప్లాన్ చేసుకున్న అలెన్, ఘటన రోజున అత్యంత వేగంగా భద్రతా వలయాన్ని ఛేదించుకుని వచ్చి కాల్పులు జరిపినట్లు వీడియోలో రికార్డ్ అయ్యింది.

Read Also: Nobel Peace Prize : ట్రంప్ కు బిగ్ షాక్ తగలబోతుందా ?

Trump’s Murder

Trump’s Murder: సీక్రెట్ సర్వీస్ అధికారికి గాయాలు

ఈ కాల్పుల సమయంలో అక్కడ రక్షణ విధుల్లో ఉన్న ఒక యూఎస్ సీక్రెట్ సర్వీస్ అధికారి గాయపడ్డారు. అయితే, ఇది పొరపాటున జరిగిన కాల్పులు (Friendly Fire) కావని, నిందితుడు ఉద్దేశపూర్వకంగానే జరిపినట్లు అటార్నీ జీనైన్ ఫెర్రిస్ పిర్రో స్పష్టం చేశారు. ఈ వీడియోను ఇప్పటికే కోర్టుకు సాక్ష్యంగా సమర్పించారు. భద్రతా దళాలు నిందితుడిని అదుపులోకి తీసుకున్న సమయంలో అతని వద్ద భారీగా ఆయుధాలు లభించాయి. 12-గేజ్ పంప్ యాక్షన్ షాట్‌గన్, రాక్ ఐలాండ్ ఆర్మరీ 1911.38 క్యాలిబర్ పిస్టల్
మూడు రకాల కత్తులు. అమెరికా తాత్కాలిక అటార్నీ జనరల్ టాడ్ బ్లాంచే తెలిపిన వివరాల ప్రకారం, అలెన్‌పై ప్రస్తుతం మూడు ప్రధాన ఫెడరల్ అభియోగాలు నమోదయ్యాయి. అధ్యక్షుడు డొనాల్డ్ ట్రంప్‌ను హత్య చేయడానికి ప్రయత్నించడం. నేరం చేసే ఉద్దేశంతో రాష్ట్రాల మధ్య ఆయుధాలను రవాణా చేయడం. హింసాత్మక చర్యకు పాల్పడి ఆయుధంతో కాల్పులు జరపడం. దర్యాప్తు కొనసాగుతున్న కొద్దీ మరిన్ని కఠినమైన సెక్షన్లు నమోదయ్యే అవకాశం ఉంది. కాల్పుల ఘటన జరిగిన వెంటనే అప్రమత్తమైన భద్రతా సిబ్బంది అధ్యక్షుడు డొనాల్డ్ ట్రంప్, మెలానియా ట్రంప్, ఉపాధ్యక్షుడు జేడీ వాన్స్‌తో పాటు ఇతర కీలక మంత్రులను సురక్షిత ప్రాంతానికి తరలించారు.