Sonam Wangchuk Strike: దేశంలో విద్యా వ్యవస్థలో చోటుచేసుకుంటున్న వైఫల్యాలకు నిరసనగా ప్రముఖ పర్యావరణ ఉద్యమకారుడు సోనమ్ వాంగ్చుక్ చేపట్టిన నిరాహార దీక్షకు అంతర్జాతీయ స్థాయిలో మద్దతు లభిస్తోంది.
అమెరికాలోని న్యూయార్క్, శాన్జోస్ నగరాలలో ‘హిందూస్ ఫర్ హ్యూమన్ రైట్స్’ (Hindus for Human Rights) సంస్థ ప్రతినిధులు, కార్యకర్తలు వాంగ్చుక్కు అండగా నిలిచారు.
Read Also : UAE Visa On Arrival India: అందరికీ వీసా ఆన్ అరైవల్ రాదు.. కొత్త నిబంధనలు ఇవే!
International support for Wangchuk’s struggle; protests in London and the US.
Sonam Wangchuk Strike: కేంద్ర మంత్రి ధర్మేంద్ర ప్రధాన్ రాజీనామాకు డిమాండ్
వాంగ్చుక్ పోరాటానికి మద్దతు తెలుపుతూ న్యూయార్క్, శాన్జోస్ వీధుల్లో ‘హిందూస్ ఫర్ హ్యూమన్ రైట్స్’ కార్యకర్తలు భారీ నిరసన ప్రదర్శనలు చేపట్టారు. ఆయనకు అనుకూలంగా నినాదాలు చేస్తూ, సమస్యల పరిష్కారాన్ని కోరుతూ పెద్ద ఎత్తున ప్లకార్డులు ప్రదర్శించారు. విద్యా వ్యవస్థలోని లోపాలను సరిదిద్దడంలో ప్రభుత్వం విఫలమైందని వారు ఆరోపించారు.
దేశంలో విద్యా రంగానికి సంబంధించి తలెత్తిన సమస్యలకు బాధ్యత వహిస్తూ కేంద్ర విద్యాశాఖ మంత్రి ధర్మేంద్ర ప్రధాన్ తక్షణమే తన పదవికి రాజీనామా చేయాలని నిరసనకారులు డిమాండ్ చేశారు. అలాగే కేంద్ర ప్రభుత్వం ఇకనైనా ఆలస్యం చేయకుండా దీక్ష చేస్తున్న ప్రతినిధులతో వెంటనే చర్చలు జరపాలని స్పష్టం చేశారు. ఈ నిరసన కేవలం అమెరికాకే పరిమితం కాకుండా బ్రిటన్లోని లండన్, ఐర్లాండ్లోని డబ్లిన్ నగరాల్లో కూడా కొనసాగినట్లు ‘హిందూస్ ఫర్ హ్యూమన్ రైట్స్’ సంస్థ వెల్లడించింది. భారత విద్యా వ్యవస్థలో పారదర్శకత, జవాబుదారీతనం తీసుకురావాలని ప్రపంచవ్యాప్తంగా ఉన్న ఎన్ఆర్ఐలు, మానవ హక్కుల సంఘాలు ముక్తకంఠంతో కోరుతున్నాయి.