వాసవీ మాత జయంతి రాష్ట్ర పండుగగా.. కీలక నిర్ణయం

వాసవీ మాత జయంతికి రాష్ట్ర పండుగ హోదా

Vasavi mata jayanthi : తెలంగాణ ప్రభుత్వం కీలక నిర్ణయం తీసుకుంది. శ్రీ వాసవీ మాత జయంతిని రాష్ట్ర పండుగగా అధికారికంగా ప్రకటించింది.

ఇకపై ప్రతి సంవత్సరం వైశాఖ శుక్ల పక్ష దశమి నాడు రాష్ట్రవ్యాప్తంగా ప్రభుత్వ లాంఛనాలతో ఈ వేడుకలను నిర్వహించనున్నారు. ఈ ఏడాది ఏప్రిల్ 26న జయంతి ఉండటంతో, ఆ రోజున వేడుకలు జరపాలని ప్రభుత్వం నిర్ణయించింది.

రాష్ట్రవ్యాప్తంగా వేడుకలకు ఆదేశాలు

ఈ మేరకు ప్రభుత్వ ప్రధాన కార్యదర్శి కె. రామకృష్ణారావు G.O. Ms. No. 67ను జారీ చేశారు. ఈ ఉత్తర్వుల ప్రకారం రాష్ట్రంలోని అన్ని జిల్లాల కలెక్టర్లు తమ తమ ప్రాంతాల్లో వాసవీ మాత జయంతి వేడుకలను అధికారికంగా నిర్వహించాల్సి ఉంటుంది. దీంతో రాష్ట్రవ్యాప్తంగా ఒకే విధంగా ఉత్సవాలు జరగనున్నాయి.

Vasavi mata jayanthi

నోడల్ ఏజెన్సీగా ప్రత్యేక శాఖ నియామకం

ఈ వేడుకల నిర్వహణ బాధ్యతలను యువజన సర్వీసులు, పర్యాటక మరియు సాంస్కృతిక శాఖకు నోడల్ ఏజెన్సీగా అప్పగించారు. అవసరమైన నిధులను ఆ శాఖ బడ్జెట్ నుంచే కేటాయించాలని ఉత్తర్వుల్లో స్పష్టం చేశారు. ఈ నిర్ణయంతో వాసవీ మాత జయంతి ఉత్సవాలు అధికారికంగా మరింత విస్తృతంగా నిర్వహించబడనున్నాయి.