2026 జూన్ 29న కేంద్ర ఆరోగ్య శాఖ మంత్రి జేపీ నడ్డా ఆయుష్మాన్ సారథి PM-JAY వాట్సాప్ చాట్‌బాట్‌ను ప్రారంభించారు. నేషనల్ హెల్త్ అథారిటీ రూపొందించిన ఈ సేవ 24 గంటలూ అందుబాటులో ఉంటుంది.

వాట్సాప్‌లో కార్డు ఎలా పొందాలి :

ముందుగా +91 72908 23838 నంబర్‌ను ఫోన్‌లో సేవ్ చేసుకోవాలి. ఆ తర్వాత వాట్సాప్‌లో ఆ నంబర్‌కు Hi అని మెసేజ్ పంపాలి. చాట్‌బాట్‌లో వచ్చే సూచనలను అనుసరించి My Ayushman Card ఆప్షన్‌ను ఎంచుకోవచ్చు. అర్హతను తనిఖీ చేసుకోవడం, ఆయుష్మాన్ కార్డుకు దరఖాస్తు చేయడం, కార్డు డౌన్‌లోడ్ చేసుకోవడం, e-KYCను మళ్లీ పూర్తి చేయడం, ఆధార్‌ను లింక్ చేయడం వంటి సేవలు అందుబాటులో ఉన్నాయి.

AB-PMJAY కింద అర్హత కలిగిన కుటుంబాలకు సంవత్సరానికి రూ.5 లక్షల వరకు ఆరోగ్య కవరేజీ లభిస్తుంది. ఎంపానెల్‌ చేసిన ప్రభుత్వ, ప్రైవేట్ ఆసుపత్రుల్లో ద్వితీయ, తృతీయ స్థాయి ఆసుపత్రి చికిత్సలకు నగదు రహిత వైద్య సేవలు అందుతాయి. 2026 జూలై 28 నాటికి ఈ పథకం దేశంలోని మొత్తం 36 రాష్ట్రాలు, కేంద్రపాలిత ప్రాంతాల్లో అమలులో ఉంది. అంతేకాదు, ఆయుష్మాన్ సారథి ద్వారా సమీపంలోని ఎంపానెల్‌డ్ ఆసుపత్రులను వెతకడం, చికిత్స చరిత్ర చూడడం, కార్డు వివరాలు తెలుసుకోవడం, ఫిర్యాదు నమోదు చేసి దాని స్థితిని ట్రాక్ చేయడం, కాల్‌బ్యాక్ కోరడం వంటి సేవలు కూడా పొందవచ్చు. 70 ఏళ్లు పైబడిన వారికి ఆయుష్మాన్ వయ వందన కార్డు సేవలు కూడా ఇందులో ఉన్నాయి.

అయితే వాట్సాప్‌లో 'హాయ్' పంపిన ప్రతి ఒక్కరికీ రూ.5 లక్షలు నేరుగా అందుతాయని కాదు. ముందుగా పథకానికి అర్హత ఉండాలి. కాబట్టి నకిలీ నంబర్ల పట్ల జాగ్రత్తగా ఉండి, అధికారికంగా ప్రకటించిన +91 72908 23838 నంబర్‌నే ఉపయోగించడం మంచిది.

అంగన్‌వాడీలలో ఇకపై స్పెషల్ క్లాసులు