రిజర్వ్ బ్యాంక్ ఆఫ్ ఇండియా (RBI) సెలవుల క్యాలెండర్ ప్రకారం సెప్టెంబర్ 21 నుంచి 27 వరకు కొన్ని ప్రాంతాల్లో బ్యాంకు శాఖలు మూసి ఉండనున్నాయి. అయితే అన్ని సెలవులు దేశవ్యాప్తంగా వర్తించవు. ప్రాంతీయ పండుగలు, స్థానిక సెలవులను బట్టి బ్యాంకు శాఖల మూసివేత మారుతుంది.

Read Also :Driving Licence Update: ఈ పని చేయకపోతే డ్రైవింగ్ లైసెన్స్ రద్దు!

వచ్చే వారం బ్యాంకు సెలవులు ఇవే..

సెప్టెంబర్ 21, సోమవారం

శ్రీమంత శంకరదేవ జన్మోత్సవం, శ్రీ నారాయణ గురు సమాధి దినోత్సవం సందర్భంగా గువాహటి, కొచ్చి, తిరువనంతపురం ప్రాంతాల్లో బ్యాంకు శాఖలు మూసి ఉంటాయి.

సెప్టెంబర్ 22, మంగళవారం

కర్మ పూజ సందర్భంగా రాంచీలో బ్యాంకు శాఖలకు సెలవు ఉంటుంది.

సెప్టెంబర్ 23, బుధవారం

మహారాజా హరి సింగ్ జీ జన్మదినం సందర్భంగా జమ్మూ, శ్రీనగర్లో బ్యాంకులు మూసి ఉంటాయి.

సెప్టెంబర్ 25, శుక్రవారం

ఇంద్రజాత్ర సందర్భంగా గ్యాంగ్‌టక్లో బ్యాంకు శాఖలు మూసి ఉంటాయి.

సెప్టెంబర్ 26, శనివారం

ఇది నెలలో నాలుగో శనివారం కావడంతో దేశవ్యాప్తంగా బ్యాంకు శాఖలు మూసి ఉంటాయి. రెండో, నాలుగో శనివారాల్లో బ్యాంకులకు సెలవు ఉండే విధానం అమల్లో ఉంది.

సెప్టెంబర్ 27, ఆదివారం

ఆదివారం కావడంతో దేశవ్యాప్తంగా సాధారణ బ్యాంకు శాఖలు మూసి ఉంటాయి.

అన్ని రోజులు దేశవ్యాప్తంగా సెలవులు కావు

సెప్టెంబర్ 21, 22, 23, 25 తేదీల్లో ఉన్న సెలవులు ప్రాంతీయ సెలవులు. అంటే ఆ తేదీల్లో దేశంలోని అన్ని బ్యాంకు శాఖలు మూసి ఉండవు. సంబంధిత నగరం లేదా రాష్ట్రంలోని బ్యాంకు శాఖలకు మాత్రమే సెలవు వర్తిస్తుంది. కాబట్టి బ్యాంకు బ్రాంచ్‌కు వెళ్లాల్సిన పని ఉంటే, మీ ప్రాంతంలోని శాఖకు సెలవు ఉందో లేదో ముందుగానే చెక్ చేసుకోవడం మంచిది.

Bank Holidays: ఆన్‌లైన్ బ్యాంకింగ్ సేవలు అందుబాటులో ఉంటాయా?

బ్యాంకు శాఖలు సెలవులో ఉన్నప్పటికీ సాధారణంగా ఇంటర్నెట్ బ్యాంకింగ్, మొబైల్ బ్యాంకింగ్, UPI, ATM సేవలు అందుబాటులో ఉంటాయి. అయితే కొన్ని ప్రత్యేక సేవలు లేదా బ్యాంకు ఆధారిత లావాదేవీలకు పరిమితులు ఉండవచ్చు. అందువల్ల నగదు ఉపసంహరణ, డిజిటల్ చెల్లింపులు వంటి సాధారణ అవసరాలను ఆన్‌లైన్‌లోనే నిర్వహించుకోవచ్చు. అయితే చెక్కులు, బ్రాంచ్‌లో వ్యక్తిగతంగా చేయాల్సిన పనులు, ఇతర కౌంటర్ సేవలు అవసరమైతే బ్యాంకు పని దినాన్ని ముందుగానే చూసుకుని వెళ్లడం మంచిది.

రైతులకు రూ.5 లక్షల వరకు KCC రుణం