2026లో అత్యంత బిజీగా ఉండే వారాల్లో ఇది ఒకటిగా నిలవనుంది. ఈ భారీ మొత్తంలో ఎక్కువ భాగం రెండు మెయిన్‌బోర్డ్ ఐపీఓల నుంచే రానుంది. అవే NSE, Hero Motors.

షేర్‌హోల్డర్లు తమ వాటాలను :

ఈ జాబితాలో నేషనల్ స్టాక్ ఎక్స్ఛేంజ్‌ (NSE) ఐపీఓ అతిపెద్దది. దీని ఇష్యూ పరిమాణం సుమారు రూ.22,562 కోట్లు. సెప్టెంబర్ 17న ప్రారంభమై సెప్టెంబర్ 21న ముగియనుంది. ఒక్కో షేర్ ధరను రూ.1,700-1,785గా నిర్ణయించారు. ఇది పూర్తిగా ఆఫర్ ఫర్ సేల్ (OFS) కావడంతో NSEకి కొత్తగా మూలధనం అందదు; ఇప్పటికే ఉన్న షేర్‌హోల్డర్లు తమ వాటాలను విక్రయించనున్నారు. ఇక Hero Motors ఐపీఓ సెప్టెంబర్ 16న ప్రారంభమై 18న ముగుస్తుంది. మొత్తం ఇష్యూ పరిమాణం రూ.1,000 కోట్లు. ఇందులో రూ.600 కోట్ల ఫ్రెష్ ఇష్యూ, రూ.400 కోట్ల OFS ఉన్నాయి. షేర్ ధరను రూ.79-84గా నిర్ణయించారు. ఫ్రెష్ ఇష్యూ ద్వారా వచ్చిన నిధుల్లో కొంత భాగాన్ని రుణాల చెల్లింపునకు వినియోగించనున్నారు.

వీటితో పాటు Jindal Supreme India రూ.125 కోట్లు, SS Retail రూ.500 కోట్లు, Sonaselection India రూ.142 కోట్ల ఐపీఓలు కూడా మార్కెట్‌లోకి రానున్నాయి. SME విభాగంలో Axiom Gas Engineering, Kheria Autocomp, SpectraA Technology Solutions, Quanto Agroworld, Shakti Polytarp, Vama Wovenfab వంటి కంపెనీలు కూడా ఇన్వెస్టర్ల ముందుకు రానున్నాయి.

ప్రస్తుతం గ్రే మార్కెట్‌లో NSE, Hero Motors ఐపీఓలపై ఆసక్తి కనిపిస్తున్నప్పటికీ, GMP అనేది అనధికారిక సూచిక మాత్రమే; లిస్టింగ్ లాభాలకు హామీ కాదు. ఇంత పెద్ద మొత్తంలో ఐపీఓలు ఒకేసారి రావడంతో రిటైల్, HNI ఇన్వెస్టర్ల మధ్య నిధుల కోసం పోటీ పెరిగే అవకాశం ఉంది. అయితే ప్రతి ఇష్యూలో కంపెనీ ఆర్థిక పరిస్థితులు, వాల్యుయేషన్, రిస్క్‌లను పరిశీలించిన తర్వాతే పెట్టుబడి నిర్ణయం తీసుకోవడం కీలకం.

2036లో ఒలింపిక్స్‌కు అమరావతికి ఛాన్స్.. మంత్రి సత్యకుమార్ వ్యాఖ్యలు..!