విదేశీ ఔషధ సంస్థలకు ట్రంప్ షాక్..వంద శాతం సుంకాల విధింపు

అమెరికా అధ్యక్షుడు ట్రంప్ (Trump)సుంకాల విషయంలో మరో సంచలన నిర్ణయం తీసుకున్నారు. ఔషధ రంగంపై భారీ సుంకాల్ని విధిస్తూ కార్యనిర్వాహక ఉత్తర్వుపై సంతకం చేశారు.

అమెరికాతో ధరల ఒప్పందాలు కుదుర్చుకోని విదేశీ ఫార్మా సంస్థల పేటెంట్‌ పొందిన మందులపై 100శాతం వరకు టారిఫ్‌లు విధించాలని ట్రంప్‌ ఆదేశించారు. ట్రంప్ తీసుకున్న ఈ నిర్ణయం అంతర్జాతీయ ఫార్మా రంగంలోనూ సంచలనంగా మారింది. గతేడాది ప్రతీకార సుంకాలను ప్రకటించిన లిబరేషన్ డే రోజే ట్రంప్‌ ఈ నిర్ణయం తీసుకోవడం గమనార్హం. ధరల ఒప్పందాన్ని అంగీకరించి అమెరికాలో తయారీ కేంద్రాల్ని ఏర్పాటు చేస్తామని హామీ ఇచ్చిన సంస్థలకు మాత్రం సుంకాల నుంచి పూర్తి మినహాయింపు లభించనుంది. ఔషధాల దిగుమతులపై ఆధారపడటం జాతీయ భద్రతకు ముప్పు అని భావిస్తున్నందునే ఈ నిర్ణయం తీసుకున్నట్లు ట్రంప్ పేర్కొన్నారు. Read Also: Lokesh Meet Modi : రేపు ఢిల్లీలో ప్రధాని మోడీతో లోకేశ్ భేటీ

Trump shocks foreign pharmaceutica

Trump shocks foreign pharmaceutical: కంపెనీలపై 20 శాతం పన్ను

అమెరికా ప్రభుత్వంతో ‘మోస్ట్ ఫేవరెడ్ నేషన్’ ధరల ఒప్పందం కుదుర్చుకున్న సంస్థలతో పాటు అమెరికాలోనే తమ తయారీ కేంద్రాలను ఏర్పాటు చేసే సంస్థలకు ఎటువంటి పన్ను ఉండదు. మరోవైపు, అమెరికాలో ప్లాంట్లను నిర్మిస్తూ, ఇంకా ధరల ఒప్పందం కుదుర్చుకోని కంపెనీలపై 20 శాతం పన్ను విధిస్తారు. అయితే, రాబోయే నాలుగేళ్లలో వీరు ఒప్పందాలు చేసుకోకపోతే, సుంకాలను 100 శాతానికి పెంచనున్నట్లు ట్రంప్ ప్రభుత్వం పేర్కొంది. ఈ మేరకు అమెరికాతో ఫార్మా కంపెనీలు చర్చలు జరిపేందుకు ట్రంప్ సర్కార్ గడువును నిర్దేశించింది. భారీ ఫార్మా కంపెనీలకు 120 రోజులు, చిన్న తరహా కంపెనీలకు 180 రోజులు గడువును ఇచ్చింది. ఈ గడువు ముగిసిన తర్వాత నిబంధనలు పాటించని కంపెనీలపై 100 శాతం టారిఫ్లు అమల్లోకి రానున్నాయని ఉత్తర్వుల్లో ట్రంప్ ప్రభుత్వం స్పష్టం చేసింది.