Tamil Nadu Election Results: రాజకీయాల్లోనూ 'దళపతి' విజయ్ తన రాజకీయ అరంగేట్రంతోనే రాజకీయాల్లో సరికొత్త రికార్డు సృష్టించారు. 2026 తమిళనాడు అసెంబ్లీ ఎన్నికల్లో ఆయన నేతృత్వంలోని 'తమిళగ వెట్రి కళగం' (TVK) ఊహించని రీతిలో ప్రభంజనం సృష్టిస్తోంది.

మొత్తం 234 స్థానాలకు గానూ 110 నియోజకవర్గాల్లో టీవీకే ఆధిక్యంలో ఉండటంతో విజయ్ తదుపరి ముఖ్యమంత్రి కావడం దాదాపు ఖాయమైంది. ఈ చారిత్రక విజయంపై టాలీవుడ్ హీరోలు నాని, సాయి దుర్గా తేజ్, శర్వానంద్ సామాజిక మాధ్యమాల వేదికగా స్పందిస్తూ అభినందనలు కురిపించారు.

Read Also : Election Results: ఓటమి అంచులో స్టాలిన్, మమత

Tollywood heroes’ wishes on Thalapathy’s success.

Tamil Nadu Election Results: ‘ఇది మా ఇంట్లో జరిగింది.. ఇప్పుడు పక్కింట్లో’

నాని ఆసక్తికర పోస్ట్: న్యాచురల్ స్టార్ నాని విజయ్ విజయంపై చేసిన పోస్ట్ నెట్టింట వైరల్ అవుతోంది. “అభినందనలు విజయ్ సర్. మొదట అందరూ సందేహించారు, కానీ ఇప్పుడు ప్రజలే మీకు కిరీటం పెట్టారు. ఇది మా ఇంట్లో (ఆంధ్రప్రదేశ్‌ను ఉద్దేశించి) జరిగింది, ఇప్పుడు పక్కింట్లోనూ (తమిళనాడు). అండర్‌డాగ్ గెలవడం అనేది ఎప్పుడూ ఒక సినిమా లాంటి ఉత్కంఠను ఇస్తుంది. తమిళనాడు ప్రజలు తమ నిర్ణయాన్ని స్పష్టం చేశారు, వారికి మంచి జరగాలని కోరుకుంటున్నాను” అని నాని పేర్కొన్నారు.

సాయి దుర్గా తేజ్ శుభాకాంక్షలు

‘విజిల్ పొడు.. విజయ్ అన్నా!’ మెగా హీరో సాయి దుర్గా తేజ్ తన ఆనందాన్ని వ్యక్తం చేస్తూ, విజయ్ నిబద్ధతను కొనియాడారు. “విజిల్ పొడు..! విజయ్ అన్నా, ఇది మీ పనితీరుకు ప్రజలు ఇచ్చిన అద్భుతమైన తీర్పు. ఒక నటుడిని ప్రజలు దేవుడిగా భావించి, అందరి అంచనాలను తలకిందులు చేస్తూ గెలిపిస్తే ఆ కిక్కే వేరు. దక్షిణాదిలో ఇది ఒక సంప్రదాయంగా మారుతోంది. తమిళనాడు ప్రజలు కోరుకుంటున్న మార్పును మీరు తీసుకురావాలని ఆశిస్తున్నాను” అని పోస్ట్ చేశారు.

శర్వానంద్ అభినందనలు

‘నేను ముందే చెప్పాను’ హీరో శర్వానంద్ విజయ్‌కు హృదయపూర్వక అభినందనలు తెలిపారు. “నేను ముందే చెప్పాను, కొన్ని ప్రయాణాలు గొప్ప లక్ష్యాల కోసమే మొదలవుతాయని. సినిమా నుంచి నాయకత్వం వరకు మీరు కోట్లాది మంది నమ్మకాన్ని గెలుచుకున్నారు. ఈ బాధ్యతాయుతమైన ప్రయాణంలో మీకు మరింత శక్తి చేకూరాలని కోరుకుంటున్నాను” అని తన సందేశంలో పేర్కొన్నారు. సినీ గ్లామర్‌తో రాజకీయాల్లోకి వచ్చి, తొలి ప్రయత్నంలోనే ప్రభంజనం సృష్టించిన విజయ్‌పై సర్వత్రా ప్రశంసలు వెల్లువెత్తుతున్నాయి.